صحیفه سجادیه تورکجه ده - دیله یش 46

 

 

 

 

دیله یش ( 46 )

فطر بایرامی نین نامازدان صونرا دعاسی ایسه جمعه گونون

دعاسی

1 ) – ای تانری که بیر کیمسه یه رحم ائدیر سن که بنده لر اونا رحم

ائدمیری.

2 ) – ای تانری که بیر کیمسه نی قابول ائدیرسن که یئرلر و ئولکه لر

اونی قابول ائدمیر لر .

3 ) – ای تانری ! که قاپین دا احتیاجلی لاریین اسکیک ائله میر سن .

4 ) – ای تانری ! که قاپیندا چوخ دایانان لاری اومودسیز ائله میرسن

.
5 ) – ای تانری ! که سنه ساری گلن لری قاپین نان قایتارمیر سان .

6 ) – و ای تانری که کئچیک هدیه لری قابول ائدیر سن و آزجا

گوروملردن قدر دانلیق ائدیر سن .

7 ) – ای تانری ! که آز گوروملری قدر دانلیق ائدیر سن و بویوک

ایشلیک وئریر سن .

8 ) – ای تانری ! که هر کیمسه سنه یاخینلاشیر سنده اونا یاخین

لاشیر سان .

9 ) – ای تانری ! که هر کیمسه سن نن اوز دونده ریر سن اونی

اوزوین چاغیریر سان >

10 ) – ای تانری ! که گوناهلارا گوره پایلارین چوندر میرسن .

11 ) – ای تانری ! که آغری وئرماقداتله سمیر سن و ای او کیمسه

که یاخشی ایشلری بارلادیب و چوخالدیرسان و سوچلاردان گئچیر

سن تا بو که اونلاری آرادان آپاراسان .

12 ) – ای تانری ! ایستک لر سنین اوستون کرمی ین چاتمامیشدان

گتیر له نیر لر و رام اولور لار و حاجت قابلاری باغیش پای لارین نان

دولورلار و تعریف له مه لر سنین تعریف له ریین چاتمامیشدان بیر

بیرین نن داغیلیر لار ، بئله ده سن لاپ اوستون ، لاپ یوخاری سان و

بویوک لوگون هر نه دن بویوک دیر .

13 ) – ای تانری ! ]ر بیر بویوک سنین یانیندا آلچاق و هر بیر اوستون

سنین اوستونلوگویون یانیندا آلچاق دی ، او کیمسه لر که سن نن

آییری سینا اوز توتورلار اومودسیز اولدولار و اوکیمسه لر که سن نن

آییری سین ایسته دیلر نقصان گوردیلر و او کیمسه لر که سن نن

آییری سینا یئغیشدیلار آرادان گئددیلرو اوکیمسه لری که بیر زاد

دالی یئغدیلار یوخسوللوقا دوشدولر مگر اوکیمسه لری که سنین

فضل و پای لارین نان ایسته دیلر.

14 ) – ای تانری قاپین سئوینج لری ین اوزونه آچیق و باغیش لارین

دیلنچی لره و یاردیمین قاپین نان پای آلانلارا حاضیر دیر .

15 ) – ای تانری ! دیلک لری اولان لار سن نن اومود سیز اولمازلار و

او کیمسه لری که پایلارییان ساری گلیر لر اومودسیز قالمازلار و

باغیش ایستی ین لر آغری لارین نان ، پیس پایلی اولمازلار .

16 ) – ای تانری ! سنین زومارین او کیمسه یه که بویوروقون نان

چیخیب دی دا آچیلیب دی و دوزومون و گئچینماقین قاجلارا دا

واردی تا او یئره کیمی که مهلت وئرماقین اونلاری توبه دن اونود

دوروب و مغرور ائدیب و بو مهلت لر اونلاری سوچلاردان اوزاق

لادماق دان ساخلادیب دی .

17 ) – ای الهی ! سن اونلارا گوره دوزوم و تحمل ائله دین تا بو که

اونلار بویوروق لارین نان چیخدیلار ، سن اونلارا مهلت وئردین نییه که

اوز خاقان لیقییان مطمئن سن بئله ده هر کیمسه که خوش پایلی

اولا صونلارین یاخشی پایلی قورتاردین و هر کیمسه که پیس پایلی

اولا اونی آلچاق لاندیردین .

18 ) – ای الهی هاممی صوندا سنین بویوروقویان ساری گلیر لر و

ایشلری سنین بویوروقویان باغلانیر و اونلارا مهلت وئماقین

حکومتیین سست ائله مز و اونلارا آغری وئرماقدا تلسمه ماق

بونجاق و دلیل لریین آرادان آپارماز .

19 ) – بونجاق و دلیل لرین چونولمز و آرادان گئدمز و خاقانلیقین

محکم دی وآرادان گئدن دگیل بئله ده همیشه لیق آغری او کیمسه

یه دیر که سن نن اوز دونده ره و آلچاق لیق اومود سیزلیقی او

کیمسه یه دیر که سن نن اومود سیز اولا و لاپ پیس پای لیق او

کیمسه یه دیر که سنه دایاق لانمئیا .

20 ) – و او نه قدیر سنین آغری لارین نان چیخماقدان اومود سیز

دی ؟ و بونلارین هاممی سی عدالتین نن قضاوت اولماقا گوره دی و

سن بیر کیمسه یه ظلم ائله مه سن و بویوروقلارین و حکمون

انصافینان دی و بیر کیمسه یه آغری وئرمه سن .

21 ) – ای تانری ! سن محبت لری ین اوزه چیخاد دین و باهانالاری

آرادان گوتوردون و آغری وعده سین اعلام ائله دین و مهربان لیقینان

بنده لری ماراق لاندیر دین و بیر اورنک و مثال لاری دئدین و اوزون

چاغلی مهلت وئردین و ائله بوجور آغری لاریین دالییا سالدین بیر

حالدا که ائیلیه بیلر دین تله سه سن و بو سنی دین که دوزدون و

تحمل ائله دین بوننان بئله سورغو لادماقا گوجلی سن .

22 ) – ای الهی ! دوزوم و دایانماقین گوجسیز لیق دن دگیل ومهلت

وئرماقین سست لوقدان اولماز و آغری وئرمامازلیقین اونودماقدان

دگیل و دالییا سالماقین گئچینماقییان گوره اولماز ائله ده بونا گوره

دی که بونجاق لاریین مللته دئیه سن و پای لاریین مللته گوره بوتون

ائده سن و احسانلاریین چوخلی و پایلاریین چوخ و هاممی سین

وئره سن و بونلارین هاممی سی قاباقدان بللی و اولاجاقیدی و

سنده هر چاغدا بوجور اولان سان .

23 ) – ای تانری بونجاق و دلیل لرین اوننان بویوک دیر که لاپ

یاخشی تعریف له نه و بویوک لیقین اوننان یوخاری دی که صونی

بیلله نه و پای لارین اوننان چوخدی که اونلاری سایماق اولا ! و

احسان و پای لارین اوننان بویوک دیر که لاپ آزلارینی سایماق اولا و

اونلارا حمد و آلقیش اولونا .

24 ) – ای تانری ! دینمه مزلیق منی حمد و آلقیش دئماقین نان

ساخلادی و اوزومی ساخلاماق لیق منی تعریف له ماقین نان

گوجسیز ائله دی و هاممی چالیشمالاریم اوز چاره سیزلیقیم و

قالماق لیقیم نان دی ای منیم تانریم بو ایشلر اونا گوره دگیل که

منیم اونلارا مئیلیم یوخدی ائله ده اوز گوجسیز و نقصانیما گوره دی .
25 ) – و ایندی بو منم که قاپییان اوز گتیر میشم و سن نن یاخشی

باغیش ایستیرم بئله ده محمد و طایفاسینا سلام و پای یوللا و سس

لریمی ائشید و دیله یشلریمی قابول ائله و گونومی اومود

سیزلیقینان قورتار ما و قایتارما الی ین آننی ما وورما قاپین نا

گئدماقی و سنه ساری گلماقی یاخشی ائله ، نییه که سن هر نه

ایسته سن ائدر سن و سنه چتین و آغیر دگیل و پای وئرماقدا

گوجسیز دگیل سن و بو سن سن که هر ایشی گورماقدا باجاراقین

وار وهئچ بیر گوج و زور تانری یاردیمین نان صونرا یوخدی .

                                                                                                ***  

  کوچوره ن تورکجه یه جعفر احمدیه