بایاتئلار و فولکلریلر 4

 

باغچالاردا ساز اؤلار           گول آچئلار یاز اؤلار

من سنه گول دئمه رم          گولین عمری آز اؤلار

 سماورین پیشلرئ            گؤیده اؤینار قئشلارئ

اؤغلان قئزئن دردینلن         ایتیریب جامئشلارئ

 

باشدان منم باشدان من         دادارام هر آشدان من

نه آنام وار نه آتام            یارانئمئشام داشدان من

 

شیروانا پوسته گلدی           بیر بؤیوک بسته گلدی

وئران قالسئن شیروانئ        ساغ گئدن خسته گلدی

 

آپاردئ چایلار منی                  هفته لر آیلار منی

یوکوم قؤر قؤشون یوکی        یؤردئ بؤ تایلار منی

 

قؤی منی یئل گؤتورسین      ائل یوسئن ائل گؤتورسین

قارداش قبریمی قازسئن           چینینده ائل گؤتورسین

 

بوردان بیر آتلئ گئچدی          نالئن پارلاتدئ گئچدی

هر که سه سالام وئردیم           منی آغلاتدئ گئچدی

 

میز ائوسته لیوان سویو بوزلئ            یارئم قارادئ آمّا دوزلئ

میز ائوسته بالدئ یئمدی قالدئ       ال وؤرما اؤنا اؤ یادئگاردئ

 

 

بیر آت میندیم باشئ یوخ         بیرچای گئچدیم داشئ یوخ

بوردا بیر غریب اؤلوب              قؤهومئ قارداشئ یوخ

 

الیمده چینی کاسا               گیردیم باغا گیلاسا

من گئتمزدیم گیلاسا          یار گه له قولاخ آسا

 

بستان دؤلئ گول به سر        یئر اؤستینده یئل اسر

من سؤسم اؤ سؤمه سه         گؤرنده دؤداخ بؤزر

 

دونیا وفا سئز اؤلدئ            دردیم شفا سئز اؤلدئ

کیمه دئگیم دردیمی            بوتون داوا سئز اؤلدئ

 

دونیانئن بئلی سئنسئن           دوشمانئن دیلی یانسئن

منی یاردان إیلیین          اؤت دوتسئن اؤوی یانسئن

 

کندیمیزین داشلارئ              گؤرسنیر آغاشلارئ

گئدیردیم یارئ گؤرم           قؤیمادئ قارداشلارئ

 

میز اؤسته قتدان دؤلار بؤشالار      سؤگی سؤگیسین گؤرر خوش اؤلار

میز اؤسته صندل صندلی دؤندر          اؤزون گلمیسن عکسیوی گؤندر

منبع : اؤز الیملن تؤپلانان بایاتئلار آشئنالار دیلیننن