یالان دونیا، یالان دونیا، یالاندی قه هر گئلدی بوتون صبریم جالاندی
باخماگینان قاش گؤزینه یاشینه شهریارین سؤزی دیری قالاندی
عمل سیز بیر عالیم اؤلا دونیاده سن دئگیلن علمی اؤنا پالاندی
چوخ زاماندی دونیا باجی آللادیر اوزده گولن دالدا درده سالاندی
کیملر گئلیب، کیملر گئدیب دونیادان شاد یاشاسان دئمه عمریم تالاندی
گؤزتیکمه بیر قئریش یئره توپراقا بیردئگیلن آخیرتده منیم یئریم هایاندی
چوخ مزمت من ائیلدیم دونیانی اؤجور اؤلدی قلم دوردی دایاندی
موسی گؤرن اوزاق داکی قیز دی بو قوجا آروات ، قیز اؤلماسی یالاندی
اسکندرین یا چنگیزین خون آشاملیق الیلن چوخ اینسانلار قانا باتدی بؤیاندی
هر نه طهر فیکر ائیله سن، طرحی وار یول کئسندی، اینسانلاری سؤیاندی
چالیشگینان سؤن گونه بیر توشه ییق دونیا مالی، بو دونیادا قالاندی
مروتلی بیر کیشی اؤل دونیا دا عزراییله دای دئمه کی قاشماق یولی هایاندی
قانیع اؤل سن، الله وئرن روزییه یتیم آهی، جهنمده بیر قویییا سالاندی
فرشی ویلله، توپراق اوسته بیر اؤتور هئچ دئمه کی اوستی باشیم بولاندی
ایکی گونلیق دونیادا، بیر گون گئچر قورتارمیییب سؤزلر بونلان اؤیاندی
باش گوتیریب هارا گئدک دونیادان اورکلندیم یاش گؤزیملن جالاندی
ارسطو سان افلاطون سان اؤزیوه آدون قالسا جیسمون توپراق اولاندی
دای یازمیرام بونلان آرتیق شعری چوخ سؤز چوخ ولی دیل آلتیندا قالاندی
منبع: اؤز دئدیگیم شعرلردن