لای لا دئه لای لا

لای لا دئه لای لا

آنا سو ایچمیر گؤزلریم دؤزومدن

آل منی قوینونا لای لا دئه لای لا

دویموشام ایللردی اؤزوم اؤزومدن

قال منیم یانیمدا، لای لا دئه لای لا

آرازیم آخیر، باغریمدا چاغلاییر

مندن اوزاق سوی داشلاریم آغلاییر

کؤکسومو بو حسرت یامان داغلاییر

چوروسه جانیمدا، لای لا دئه لای لا

سانما غریب دوشدوم یاد اولدو یوردوم

منسیز چوخدور وطنه دایاق قوردوم

«سئودا» یام بیرلیک اوچون یازدیم دوردوم

تؤکسلر قانیمدا ، لای لا دئه لای لا

سئودا زیادپور

1393/07/26

سونولور بؤتون آراز سئور اوشاقلارا