بیر قلم دی، بیرده من
اینان سئوگی دن بیر داها یازمارام
قبریمی اؤلمه دن داها قازمارام
یاشایش باشلاماغا چالیشیرام
سئوگینی داشلاماغا آلیشیرام
بیر قلم دی، بیرده من، آنلاییرام
اؤزوومو کیمنن اؤتروو دانلاییرام؟!!
سانما دونیامیز باغلانمیش توربادی
یاوان گؤرموورم، یاغلانمیش شوربادی
دویونجا یاشادیر، قویروخ تاولاییر
هم یاشادیر، هم ده دیشین ساولاییر
«سئودا» اومود قاپیسی هئچ باغلانماز
تانرینی سئون اؤره ک هئچ داغلانماز