تاریم اولایدی

تاریم اولایدی

هاوامی دیندیرن، دانیشان تئلیم

سازیمی کؤکله ین، یاریم اولایدی

سئوگیمی سوراندا، بیر نشان ائلیم

بیریجیک قاپ قارا، تاریم اولایدی

چاغلایان دنیزیم، سرین بولاغیم

گووه رن داغلاردا، گئدیش یولاغیم

آراز اوسته بیتن، درمان بوداغیم

ساغالدان مین یارا، تاریم اولایدی

دومانلی چیسکینلی، قارلی داغیمدا

عطیرلی میوه لی، بارلی باغیمدا

بسته له نن ماهنی، سولوم ساغیمدا

اوخویان سن یارا، تاریم اولایدی

سئودیگیم جانیندان، بیر جان اولایدی

داماریمدا آخار، بیر قان اولایدی

«سئودا»یام اولدوزوم، بیر دان اولایدی

اوفوقلاری یارا، تاریم اولایدی

سئودا زیادپور

09/03/94