بو سئوگیدن

گلدیم دییم سنی گیزلیجه سئودیم

سونونو بیلمه دن بو یولو سئچدیم

یورولمادان بو سئوگیدن دونمه دیم

آلیشدیم هئچ بو سئوگییه سونمه دیم

اؤزوون دئدین یامان قالدیم بو ایشه

آخی سئوگیمیزی سالدیم دیل دیشه

زامان نه تئز گلدی گئچدی آی گولوم

ائله سانیرام توتولدو آی گؤنوم

الین الیمدن قوپدو، تنیم دوندوو

کونول قوشو هاردان هارایا قوندوو

آی ائللر سیز دئیین دلی «سئودا»یا

کیم ایناندی کیم قاندی بو سئودایا