گئجه لر

گئجه لر

آی گئجه لر منی یالقیز قویمایین

اوره ییمی گؤز یاشیملا اویمایین

سیزی همدم سانیردیم اؤزومه من

دریمی هیجران یولوندا سویمایین

قایتارین منه قارا ساچلاریمی

باغیشلامایین یارا تاچلاریمی

قازانمیشام عومرو باشا وورماغی

اودوزدوم قوماردا گول خاچلاریمی

دئمیرم قیش قوتارسین، باهار اولسون

صاباحلاریم یاریملا ناهار اولسون

بیر آن گؤرسم ده، یئتر بو اوره یه

او گلن یوللار داغ یوخ داهار اولسون

چکدیغیم ناله نی، گئجه لر بیلیر

تؤکدوغوم گؤز یاشلاریمی، او سیلیر

داها یاریمین دا الی ده چاتمیر

بختیمی گؤزل چکسم ده او سیلیر

«سئودا»، دونیادا قالیب ترس یازینا

هئچ هاواینان اویون گلمیر سازینا

بوراخ دای ائتدین بوقدر شیکایت

بو سئوگیسیز دونیا گلمیر نازینا

سئودا زیادپور

1393/02/16