یانیرام

یانیرام

قارلی داغیم، کولک اسدیر باشیما

هیجران، آلو، داها بسدیر باشیما

دردلر یاندیریب اریدیر منی

اری قارلار، دامجیز مسدیر باشیما

باغیریر ایچیمدن بیر سس، یانیرام

یئله سویله ین تئز تئز اس، یانیرام

دالغالانیر اوره ییمده دویغولار

یوخدور قارشیلایان بیرکس، یانیرام

یئنه دردلی کؤکسومو، اویور فلک

آجیمادان دریمی سویور فلک

سورون نه یینه گرک بو جانسیز جان

جان اؤلمه دن، مزارا قویور فلک

«سئودا» قاندیرما اؤزونو یاشاما

داها وئردیگین سؤزونو، یاشاما

باخ توتان یوخ سؤزونو بو دونیادا

سوسدور بو آغلار گؤزونو یاشاما

سئودا زیادپور

11/03/1393