یامان داریخیر

کؤلگه ایز سالیب، یئنه منسیز گزیر

یالقیز او قالیب، باشقا سسلر سزیر

یولوما دالیب، کول بوداغی ازیر

آرخامجا گلمه یه ، یامان داریخیر

سنینله گلیم، دایاخ اوللام دئییر

دئمه کؤلگه دی، سنسیز سوللام دئییر

بولوت تک سنه، آغلار دوللام دئییر

قول بویون اولمایا، یامان داریخیر

بوشلا دونیانی، بوشونا باغلانما

یالان تویونا، خوشونا باغلانما

گوجلو ساواشا، قوشونا باغلانما

او یول گؤسترمه یه ، یامان داریخیر

بوراخماز «سئودا» نی، آرخا کؤلگه سی

اولوب یاشام اونا، آرخا اؤلکه سی

آییریلماز هئچ زامان، آراز بؤلگه سی

کونول قره داغا، یامان داریخیر

سئودا زیادپور

1393/03/28