نه اوره ک ، نه دیلک ، بو یاشاییشین ...

شاختا کؤلکده قاردا بوراندا

بیر جیغیر آردیمجا سالیرام گئده م

بیلیرم قاباقدا داش وار قایا وار

یوللاری یول اوسته قالیرام گئده م

منه بیر ساز وئرین ، بیر دیل ، بیر بارماق

دیل غمین هاواسین چالیرام گئده م

دنیزدن دنیزه باتیب چیخینجاق

او درین باخیشدا دالیرام گئده م

گئده جم آیدینلیق اولدوزو دره م

اوچ گونلوک سیزایله قالیرام گئده م

هی اؤزوم اؤزومله چنگه لشیرم

اؤزومو اؤزومدن آلیرام گئده م

نه اوره ک ، نه دیلک ، بو یاشاییشین

اوستونه قانیمی جالیرام گئده م