بلالی باش

بلالی باش

یارگونومی گوی اسگی دوتدی کی دورمنی بوشا

جوتجی گوروبسن اوکوزه اکوز قویوب بیزوقوشا

سن اللینی کچیب یاشین من بیر اوتوز یاشینداقیز

سویله گوروم اوتوزیاشین نه نسبتی اللی یاشا

سن یئره قویدون باشیوی من باشیما نه داش سالیم؟

بلکه من آرتیق یاشادیم نیله مه لی؟دئدیم یاشا

بیرده بلالی باش نچون یانیناسوبورگه باغلاسین؟

بورکی باشاقویان گرک بورکینده بیریاراشا

بودونیابیر یول کیمیدی بیز آخرت مسافری

کجاوده هاماش گرک اوز هاماشینان یاناشا

مثل دی یئرکی برک اولور اوکوز اکوزدن اینجیور

هی دارتینار ایبین قیرا اوزیولداشینان بیرساواشا

بیزیده روزگاریمیز یاماندی بیزده عیبی یوخ

بلکه وظیفه دیر بشرقونشولارینان قونوشا

آممااونون شماتتی آللاها خوش گلمیوب

گئتدی منیم حیاتیمی ووردی داشاچیخدی باشا

استادشهریار