آچاچی(شعر بهنام داوریان)

آنا یوردوم آچاچی دووره سی داغ دیر آچاچی

تاریخین شانی بویو چیچکدی باغ دیر آچاچی

عرش اعلایه چاتان شهرتی ساغ دیر آچاچی

                              مهد  علم و ادب و جان  و کلامیم  آچاچی

                              سنه هر یئرده اولام  واردی سلامیم آچاچی

آچاچی معنی وئریر ایکی چایین اورتاسی دیر

قافلانین ائل گوجو وار یوردوم اونون آرخاسی دیر

دونیادا یوخدو تایی اؤزگورلوگون باشقاسیدیر

                               مهد علم  و ادب و  جان و کلامیم  آچاچی

                               سنه هر یئرده اولام  واردی سلامیم آچاچی

هؤرولوب قیز قالاسی چنلی داغین سونکی تاغی

تاریخین شاهیدی قیز کؤرپوسو اوندان آشاغی

نه گؤزل سیراب ائدیر قیزیل اوزن دووره باغی

                                مهد  علم  و ادب و جان و کلامیم  آچاچی

                                سنه هر یئرده اولام  واردی سلامیم آچاچی

قانلی دیرناخلاریلا گلنده صدام پلید

یوردومون جاوانلاری به عشق قرآن مجید

دین و اسلام یولونا قان وئریب اون یئدی شهید

                                 مهد  علم  و ادب و جان و کلامیم  آچاچی

                                 سنه هر یئرده اولام  واردی سلامیم آچاچی