سن بیر فاحیشه یاراتدین!!!

سن بیر فاحیشه یاراتدین
گؤزون آیدین اولسون...
آخی
آخی کیشی سسله دیم سنی
کیشی توپوردویون یالایار می هئچ؟
ایلک سئوگیلیم دئدییین زامان
آنلادیم سئوگینی سایارمیشلار گیله َ م
جهنمین درین یئرینده
یاشانتی نین
گؤزل گوستریسی جانلانیر
جانیمی یاخیر_
یاشاییشین گؤزل اولایی_
سنیله
من_
بیر اولدوزجوک قاییر
قارانلیق جومور اوتاغیما
باخ کیملر ساریلیر منه
آخی کیشی سسله دیم سنی
آل منی فاحیشه اللردن_
باخیشلاردان
اینانجلاریم توکنیر گئجه نین سؤیوش لرینده
بایقوشلار اوخویور
صاباح
باشی کسیلمیش سئرچه لر
ایلاق پیشیک لره یئم اولور
یئم اولماق نه گؤزل اولای...
اویونجاق ائدین منی_
بیلیرسن می:
گئجه دامیردی گیله لریندن 
یالقیزلیق دونونو بیچمیشدی بویوما
سویوندوم_
اؤزومدن قاچیب سنده گیزلندیم
نه اولور قاراجیک گؤزلرینی تیک گؤزلریمه
دیشلرینله کؤکسومو دوستاقلا_
ساچلاریمین چپرینده گیزلن
باخ
ساچلاریمین اوره یی بیر گؤورچین کیمی 
چیرپینیر_
دریلریمین سیزیلتیسینا
موزیسینلر شاشیریرلار
یاشانتی نین ان گؤزل آنلاریدیر
چاغیردیغیمدا
یاریق کؤکسومو
ارگان به ارگان
داغیدیرسان...
ایلک گئجه
من_
آنلادیم سئوگینی سایارمیشلار
بیر، ایکی ، اوچ
قار یاغیر
بوگئجه هانسی سیرغالی بیر قولاغی 
آلداتیرسان؟
آخی کیشی سن می سن؟
من 
و بیر قارلی گئجه 
هر گئجه بیر قاراگؤزلو ایله 
یاتیرام
یاشاییرام
یاشلانیرام
او گئجه
سن بیر فاحیشه یاراتدین
گؤزون آیدین اولسون...