فوتبال=چیرکین سیاست!

دونن صوب گؤزلریمی آچدیم بو اومود ایله کی ائلیمین سیمگه سی قوردلار دره سینده کونول لری سئویندیرسین!

ائلیم یاشاسین،دیلیم یاشاسین و دونیا بیلسین بیز شرفلی تورکلر شرف پئشینده هر سیناغی باش اوجالیق لا آتلاناجاییق!

آنجاق گئجه باشقا فیکیرده ایدیم!

چوخ آختاردیم بو فوتبالا لاییق اولان سؤزجوک تاپام!

آخیردا دا تاپا بیلمه دیم!

ایندی ده بیلمیرم نه یازیرام.دونندن خبرگزاری لری و موصاحیبه لری اوخوماقدان باشقا هئچ ایش الیمدن گلمیر و اوخودوقجا روحومون یاراسی تزه له نیر.ایستادیومدا اولان اولایلاری بیر به بیر گؤزله ریمین اؤنوندن گئچیردیرم.

تورک قارداشلاریمین پیادا ایستادیوما گئتمکلرین!

اویون باشلانمامیشدان اؤنجه تلویزیوندا ایستادیومون قیمبیللانماسینین گؤستریلمه سی...

یاشاسین آزربایجان سسلنمه سی...

ایستادیومون 3 اونچو دیقه ده سوکوتا بورونمه سی و دالیسیجا عیبی یوخ قیشقیرتی لاری...

تیراختورون اویونا قاییتماسی و یولداشلارلا شادلیغا یئر سئچمک اوستونده آپاردیغیمیز دانیشیقلار...

آندو،قیرمیز کارت...

ایکینجی گل...

اوچونجو گل...

اینترنتده سیپاهان اویونونون 2 هئچ قوتولماسینی گؤردوگوم...

دلیلیگه قارشی گئتدیگیم...

بیر گؤرمه دیگیم صحنه نی خیالیمدا یاشادیرام:

فدراسیون آداملاریندان بیریسی تونیه دئییر سیپاهان سایپا ایکی ایکی قوتولدو...

و بیر اینانیلماز صحنه...

اویونچولار و بیر ایستادیومون سئوینمه سی و منیم تعجوبوم...

تورک قارداشلاریمین بیر به بیر باتوم یاراسیندان یئره سریلمه سی...

کلیبرلی قارداشیمین گؤزونون چیخماسی...

قارداشلاریما زنگ آچماغیم و تکجه بیر جواب ائشیتدیگیم:

مشترک مورد نظر در دسترس نمی باشد...

ایستادیومون اوتلانما خبری...

آجی صحنه لر بوندان بئله باشلانیر....

قورخو...

استرس...

یولداشلارین منی لاغ ائله مک لری یادیما توشدو:

ائلبانین آغلینین چاخماغی شئهله نیب و ...

دوز دئییرمیش عاغیل چاخماغی کارا گلمیر بو حالیما باشقا چاخماق گره کیر...

بو خیال لاری اوتلاماغا و یا ...

توپا لاییق سؤزجوک سئچیرم:

میندار سیاست!

چیرکین سیاست!

پو..لو سیاست!

آند ایچدیم توپا ایاغیمی وورمایام سیاسته قاریشیقلی توپ باشماغیمی پو..لو  ائله ر.باشماغیم باتار...

 تبریز و آزربایجان دونن بؤیوک بیر تراژدی یاشادی.بلکه ده ایصفاهاندان سونرا بوتون ایران بو تراژدی نی یاشادی.من هله اؤزومو تاپمامیشام.

هئچ اؤزوم ده بیلمه دیم نه یازدیم...

سفئهله دیم

باغیشلایین