ساری گلینسیز گونله ریمیز!

بیلمیرم هاچانیدی ماحمود اوجاقلو دئدی یئنی بیر درنک آچیلیب ساری گلین آدیلا و اوردا اؤیه اولماغیمی ایسته دی. اؤیه اولدوم و ساری گلینلی گونلریم باشلاندی.ایلکین آداملاردانیدیم اؤیه اولدوم.چوخ آز یازی پایلاشیلیردی و یازی پایلاشانلار بیر الین بارماقلاریندان آزیدی.ماحمود اوجاقلو شعرلرین و اؤیکوجوکلرین پایلاشیردی.من سئودیگیم شاعیرلردن شعر و آزربایجان تقویمینده اولان اولایلاردان یازی پایلاشیردیم.یانی اؤزومه گؤره گون سایار اولموشدوم!(ایندی ساری گلینین ایلکین یازیلارینا باخاندا یازارلارین اکانتلارینین سیلینمه سینه گؤره هئچ زاد گؤرونمور) اوچونجو مودور بی ایدی.یادیمدا اولان دیل بیلگیسین اؤیره دیردی اودا اؤزونه اوخول اوتاغی دوزتمیشدی و آزربایجان تورکجه سین اؤیره دیردی.اؤنجه مودور بی دن قورخاردیم.چوخ دیکتاتوریدی آدام یازی پایلاشاندا پئشمان اولوردو اوقدر ایملایی یانلیش چیخاردیردی هردن دئییردیم خیاواندا قارشیما چیخسا اؤلدوره جه یم!!! آنجاق فارسلار دئمیشکن عدو شود سبب خئیر ائلی نین دانلاغیندان قورتورماق نه دن اولدو تورکجه یازماغی آلای قولای اؤیره نم... دوسلوغوموز درینلشدی.(ایندی بیر گون ائلی نی گؤرمه ینده داریخیرام)ساری گلینه آدام ییغدیق و منجه میانالی نین ان گؤزل و دوزگون درنه گی اولدو.یازیلاریما باخاندا گؤرورم 90 فاییزین ساری گلینده پایلاشمیشام.یادیمدا بیر گون ائلیه دئدیم نه دن یازی پایلاشمیسان!دئدی نه پایلاشیم یولداشلار پایلاشیر دا! ساری گلین میانالی دا آزربایجان یولوندا چالیشقانلارین چنلی بئلی اولدو ! ایلک صفحه له ریمیزده ساری گلینین بایراغی یئلله نیردی.میانالی دا ساری گلینین دیلی ایله سؤزوموزو دانیشیردیق.

ساری گلین له خوش گونلر یاشادیق!

قوربتده ایشله ییردیم بیر آجی خبر ائشیتدیم ائلی زنگ آچمیشدی دئدی اکانتیم 160 گون آسیلی اولوب بیر شعر اوچون! اوزولدوم!ائلیه گؤره یوخ ساری گلین اوچون! ائلی باشقا اکانت آچا بیلر دی آنجاق ساری گلین...!

آراشدیرما دا الیم یوخدو یانی ایسته میرم ائلی نین آسیلی اولماغینی اونو دا 160 گون آراشدیرام! ایندی ساری گلین سیزیک! چنلی بئلیمیزدن قوولموشوق!دوسلار چالیشیر آنجاق منه ساری گلینسیز میانالی یاپیشمیر!چوخ دا آز گلیرم! ساری گلینسیز یوخ آنجاق میانالیسیز راحاتام.اومورام مهدی بی عزیزی جینابلاری دا راحاتدیلار! ساری گلیندن چیخان یازیلار سیلینیردی!چنلی بئل اوشاقلارینین اکانتلاری سیلینیردی. دئدیم ایسته میرم آراشدیرام آنجاق ساندیغیمی دئییرم : ایندیه قه در 160 گون آسیلی اولان گؤرمه میشدیم! منجه مهدی بی عزیزی جینابلاری ائلی نی آسیلی ائله مه ییب ساری گلینی آسیلی ساخلاییب! بلکه ایسته ییرمیش 160 گون قولاغی ساری گلین طرفیندن دینجه لسین.

ایندی دینجه لیر!