اولدوزونو قوجاقلا...

بوتون گوزگولرده گؤی اوزونو

قاریش قاریش

آددیم آددیم

آختاریرام...!

ایچیمده کی دنیز گئری قاییتماقدا..

و اودامین بوجاقلاری

گوموشو باخیشلارینا حسرت...!

بری باخ چالسام باخارسانمی؟!

بری باخ

آآآآآآآآآآی

بری باخ!

بری باخسان

اوروج گؤزلریمین فیتیر بایرامیندا

بوتون وارلیغیمی

یانی جئب دولوسو شعرلریمی

نامازیمین 9 قونوتوندا دا

سنین آدینلا پایلاشاجاغام!

آرتیق

بولودلارین قارا چرشابینی

اؤرتمه گونشلی گؤزلرینه!

اوزاق کهکیشاندا

چیلپاق بیر گزه گنه پای وئر...

قیسسا دونونو گئی

و سئوگیمین آل بایراغیندا

اولدوزونو قوجاقلا......!