طاها طلوعی سویوق دمیرله یاریشمادا قیزیل میدالینی قازاندی...

ایکی ایل یاریم اولار آچاچیدا وزنه برداری ریشته سی، یئرلی و اولوسلار آراسی مربی لیک مدرکینه صاحاب اولان سعید محمدی نین زحمتلری ایله ایشه باشلاییب...
بو ریشته ایشه باشلایاندا عاییله لر و جاوانلارین طرفیندن قارشیلاندی و اوشاقلاردان چوخو بو ریشته ده ایشله مه گه باشلادیلار آنجاق ایندی بئش آلتی نفر بو ریشته ده حرفه ای ایشله ییرلر...
بو ایکی ایل یاریمدا اوستانی لیگده آچاچی اوشاقلاری نئچه قهرمانلیق قازاندیلار و ایندی سعید قره داغی سجاد انوشیروانی ایران یئنی یئتمه لرینین (نوجوانان) میللی تاخیمینین مربی سی طرفیندن میللی تاخیمین اوردولارینا چاغیریلیب دیر...
دونن طاها طلوعی قزوینده ۱۳ و ۱۴ یاشلیلارین اؤلکه یاریش لاریندا (مسابقات کشوری)  ۹۴ کیلولار ایچینده تاختا اوستونه چیخدی و اؤلکه ده بیرینجی اولوب و قیزیل میدالا صاحاب اولدو...
طاها ۱۳ یاشلی دیر و بیر ضربده ۱۰۸ و ایکی ضربده ۱۳۵کیلو وزنه ووردو...

طاها بو گون آچاچینین ایدمان سئورلرینین طرفیندن قارشیلاندی...
و عرفان آقایی نونهال لار رده سینده اوستاندا بیرینجی روتبه یه صاحابدیر...

بو عزیزلره تانریدان باشاریلار دیله ییریک...

"وزنه برداری فدراسیونونون سیته سینده سعید قره داغی نین میللی تاخیمین اوردوسونا چاغیریلماسین و طاها طلوعی نین اؤلکه یاریشلاریندا قیزیل میدالین قازانماغین گؤره بیلرسیز"