تاپدیق اوزئی(بیرینجی بؤلوم)

بیلیم یورددا تهجه اوتورموشدو بئینینده فیرتینالار قوزانمیشدی
اوچ آییدی بو فیکیردن گئجه گوندوزو یوخیدی وبئینینن گؤنلونون آراسیندا بویوک بیر ساواش قوپموشدو
آنجاق بیر یاندان دا گئچمیشین آنداچلاری بئینینده دانس ائدیردی
اؤز اؤزونه دانیشیردی ائوده ده یالاندان یئره هامینان ساواشیردی
سؤزون کسمیشدی
بیلمزجه الی گئتدی جیبیندن یانتئلین چیخارتدی ایستدی یاملیق گؤندره آنجاق الی اسیردی
اؤزونه دیلینین آلتیندا یامان یووز دئییردی
الی اسه اسه پینار آدیندا بیر نومره یانتئلیندن تاپدی و یاشیل دومنی باسدی
گؤنلو آز قالیردی گؤگسون دلیب چیخسین ائشیگه
دریندن بیر نفس چکدی بو حالدا پینار جاواب وئردی
سلام پاشا
پاشا اؤزون ساخلاشدیردی و جاواب وئردی
سلام کئفون پینار
ساغول سنین کئفین نجور اولوب بو واخت منه زنگ ووروبسان خیر اولا؟
بیر اونملی سؤزوم وار الونده سو اولسا قوی یئره منه قولاق آس
اولماز سورا دانیشاق من الان اوخول اوتاغیندان چیخدیم؟
یوخ خاهیش ائلیرم منه قولاق آس
گؤزلریم اوسته بویور سئوگیلیم
پینار سن بیزیم گلجگیمیزی نجور گؤروسن؟
پاشا میرتون دوروپ مین سری بیز بیه دانیشمامیشیق بو قونودا؟
یوخ ایندی فرق ائلییر ایستیرم گورم سن فیکر ائلیییسن کی گلجکده مندن یاریاسان؟
هن دلی من اؤزومو بختور گؤرمسئیدیم دورد ایل سندن نیا قالیردیم؟
آمما من گلجگیمیزی آیدین گورمورم!!!

پینار میرت اوچون دئدی:

عججججججب!!!

پاشا داوام ائتدی
من اوچ آیدی گئجه گوندوز فیکیردییم بیزیم سئوگیمیز چوخ تئز آرادان گئدندی!
پاشا سن آللاه منی آز ساری
پینار اؤز جانووا آند اولسون سرت دانیشیرام
پینار آغیرلاشدی و دئدی:نیا بو فیکره یئتیشیبسن؟
اؤزون بیلیسن بیزیم تاپدیق اوزئییمیز چوخ چئشیتلی دیر سنون آتان بو شهرین کئفی سازلارینین بیریدی
آنجاق من ده آتام کیمین بیر کاسیب آدامام من بو سونوجا یئتیشمیشم کی من سنی بختور ائلیه بیلمرم
بونا گؤره ایستیرم آیریلاق

پینار حیرصلنیب دئدی
بیه سن منی تانیمیردون نیا ماهنا گتیریسن اوزون بیلیسن کی من ایر پول فیکرینده اولسایدیم ایندیه جان مین سری ائولنمیشدیم!
سؤزووون اصلین دئه مندن گؤزلین تاپیپسان؟
یوخ واللاه اؤزون ده بیلیسن من سندن گؤزل و یاخشی قیز اؤمرومده تاپا بیلمرم و سنی اؤزومدن چوخ سئویرم آمما قورخورام
ندن قورخوسان؟
کاسیبلیقدان! قورخورام کم گتیرم قوهوموون یانیندا سنده کی کاسیبلیق چکمیییبسن
ایستمیرم چتیننیک چکسن
پاشا اوزون بیلیسن اولار حل اولاندی
پاشا قویمادی پینار سؤزونین دالین دییه
نجور حل اولار آتاوین پولونان؟
یوخ من او آدام دییرم خانیم
پینار کی دولوقسامیشدی دئدی
به نیا دورد ایل گئجه گوندوزومی الیمدن آلدون
پینار والله من اؤزووه گوره دئییرم دئییسن بس بو آیریلیق کی دئییرم منه راحاتدی
پینارین کی آغلاماق سسی یاوتش یاواش پاشانین قولاغینا یئتیشیردی بوندان آرتیق دانیشا بیلمدی و یانتئلین قطع ائلدی.
.پاشا هئش بیلمیردی نا واخت دانیشا دانیشا دورموشدو ایاغ اوسته گیجله گیجله بیر اوتوراق تاپیپ و اوتوردو و اللرین قویدو آنلینین اوستونه و دریندن فیکره گئتدی.
آردی وار.

سوزجوک

فیرتینا=طوفان                               ساواش=جنگ

آنداچ=خاطره                              بیلمزجه=ناخودآگاهانه

یانتئل=تلفن همراه                         یاملیق=پیام کوتاه

اونملی=مهم                               یاریماق = بختور=خوشبخت شدن

سرت =جدی                            تاپدیق اوزئئ= سطح طبقاتی

آغیرلاشماق=جدی شدن                   چئشیتلی=متفاوت

سونوجا=نتیجه                            دولوقساماق=بغض کردن