تاپدیق اوزئی (سون بؤلوم)

پاشا صوبه یاخین یوخویا گئتدی
آنجاق بو راحاتلیغین چوخ داوامی یوخیدی ائوین تلفونونین سسینن یوخودان آییخدی.
بلی دییر کن باجیسینین سسین ائشیتدی وسلام دئدی:
سلام قارداش کئفین؟
ساغول باجی سنین کئفین؟
منیم کئفیم یوخدی
نیا باجی اصل کئف سیزینکیدی هامیلیغان تویداسیز گلمکده بیلمیسیز
(پاشانین دای قیزیسینین تویو اولدوغینا گؤره پاشانین عاییله سینین هامیسی تئهراندئیدیلر آنجاق پاشانین سیناقی اولدوغینا گؤره گئتممیشدی)
هه بالا دوزدن یئرون بوشدو بیزه ده بتر خوش گئچیردی آنجاق سن هر یئرده بیزیم حالیمیزی پوزوسان
باجی منیم فیکریمده اولمایین سیز خوش اولسوز منده خوشام
یوخ پاشا سنین فیکرینده زات دییریک پینارین فیکریندییک
پاشا بو سؤزو ائشیدجگین ائله بیر باشیندان سویوخ سو توکدولر دیلی توتولدو ولال قالدی
نه دئییبسن پینارا؟هئش اوتانمیسان؟
4ایل یازیق قیزی اوینادیبسان ایندی دئییسن سن کئفی ساز من کاسیب؟
پاشا بو سؤزو ائشیتجگین دلی اولدو
باجی نه دئییسن یاخشی کی سن منیم باجیمسان منیم هر نییمدن خبرین وار بئله دئییسن اوینادیبسان هر کس ائشیتسه دییر به...
باجیسی قویمادی پاشا سؤزون دییه:
هن یاخشی کی پینار سن دیینلردن دییردی یوخسا ائله ایستدیغیوی او آری اتکلی* قیزینان ائلردین
من سنی بئله تانیمازدیم پاشا نیا بئله اولوبسان پیناردان گؤیچگین تاپیبسان ایستکچیل*؟
باجی سن آللاه دای بسدی ائله منیمکی منه بسدی دای سن یارامین اوستونه دوز سپمه
یارا سنینکی دییر قارداش یارا پینارینکی دی منیمکیدی اوتاندیغیمدان سو اولدوم گیردیم یئره
هله آنادان خبرین یوخدو گلسه دریوه سامان تپجک !
باجی من فیکریمی ائلییب سؤزومو کسمیشم آناما دا ده دای من اوشاق دییرم 23 یاشیم وار
پاشا اوتانگینان بیزی خاراب ائلمه بو قیزین یانیندا. نیا بو یازیغین دویغوسینان اویناییسان هانسی سوچونا* گؤره گرک سنین اوتووا یانا؟
منیم اوشاغیمین جاوابین نه وئرجکسن کی بئله پینارا باغلی اولوپ؟
بیزیم آبریمیزینان اویناما تئز زنگ وور ده پوخ یئمیشم!
باجی سن آللاه دای بسدی منیم بوایچ یوکومی* بوندان آرتیق قوروب جانیما سالما واللاه دلی اولموشام
سیز بیرین بیلیسیز مینین بیلمیسیز واللاه من پینارین بختورلیغین ایستیرم ایستمیرم منیم کاسیبلیغیمین اوتوندا یانا قوی گئتسین بختور اولسون.
ایکی گون آغلار بئش گون آغلار اون گون آغلار بیر آیدان سونرا یادیندان چیخار
سن ائله اؤز سؤزووو دئییسن نیا آنلامیسان؟ پینار اؤز بختورلیغین سندن ایستیر
پینار اوشاقدی آنلامیر
آنلاییر سندن چوخ آنلاییر

پاشانین سسی اوجالدی
باجی نه دئییسن الان? دای دانیشماغا حالیم یوخدو آخیر سؤزون ندی؟
آخیر سؤزوم بودو عؤمریوین آخیرینا جان بیله سینه شوغلوزوممه* سن!
عیبی یوخ قوی من شوغلوزومه اولوم آنجاق او بختور اولسون.
بونو دئدی و قط ائلدی.
15 گوندن آرتیق عاییله سینین دیل یارالارینا دؤزه بیلمدی و ایشلمک ماهناسینان  تئهرانا گئتدی
بو 15 گونده شوغلوزوممه دگیلی پیستیک* کیمین جانینا دوشموشدو سیناقلار اولماسئیدی بیر گون ائوده قالمازدی
سیناقلاریندا هامیسین خاراب ائلمیشدی پینار دا ال چکن دییردی گئجه گوندوز یا یام گؤندریردی یا زنگ ووروردو
آنجاق پاشا جاواب وئرمیردی
3 آی بو آیریلیقدان گئچیردی بیر گئجه پاشا یالقیز پارک دا اوتورموشدو و سیقار چکیردی
پینار زنگ ووروردو و یام گؤندریردی کی جاواب وئر
پینارین پاشانی آندا وئرمسی ائتدیردی* کی پاشا جاواب وئرسین
پاشا جاواب وئررکن سالام وئردی آنجاق پینار اسکی کی پینار دییردی سالاما جاواب وئرمدی ودئدی
سن نیه مندن بئله ائیلیسن؟
دئدیم سلام
منه جاواب وئر نیا 3 آیدی منی بئله آتیبسان؟
پینار بیز قاباخ دانیشمیشدیق
سن اؤزون اؤزووه دانیشیبسان اؤزون بیچیبسن اؤزونده تیکیبسن!
یادیندا منه یالواریردین تانیشلیق ایستیردین اولارین عوضین چیخیسان؟ عاغیلسیزلیق مندئدی.
پینار بولاری دییندن سورا بیر آزدا یامان یووز پاشیا دئدی
پاشا دئدی پینار سن حاقلی سان نه دئسن آزدی من سنه چوخ پیسلیگ ائله میشم مندن واز گئچ حلال ائله
پینار دئدی پاشا من سنین یانیندا چوخ بورنوم یئره سورتولوپ* آنجاق سن چوخ اورگی داشیمیشسان
گؤرورم او گونو کی گلیب یالواراسان اوندا سنی ایت یئرینه ده قویمارام.
گئت گؤیچگ اوغلان گئت بو ایشیوین یورغوسون* گؤزله.

بو دانیشیق پینارینان پاشانین سون دانیشیغی اولدو

بو دانیشیقدان سونرا پاشا باشینا هر نیین گلمسین پینارین قارغوشیندان گؤروردو.
بیر ایلدن سونرا پاشانین باجیسی دئدی کی پینار سنی حلال ائلییب.

سؤزجوک:

آری اتکلی=پاکدامن

 ایستکچیل=هوسباز

سوچ=گناه

ایچ یوکو=وجدان

شوغلوزوممه=مشغول الذمه

پیستیک=خوره

ائتدیرمک=باعث انجام کاری شدن

 بورنو یئره سورتولمک=شکستن غرور

 یورغو=مجازات-عقوبت