پیشه وری: من کمونیست دَییلم

ایلک مقاله سینی محمدامین رسولزاده’نین یایینلادیغی “آچیق سؤز” قزئته سینده چاپ ائدیب، باکو’دا اولورکن زین العابدین تقی یئف و محمدعلی تربیت’ین آچدیغی اوخولدا (مدرسه ده) ائیتیم آلیب اورادا چالیشان میرجعفر پیشه وری’نین حایاتی ایران سول حرکاتیندا اؤنملی یئره صاحیب دیر. بو خصوصدا سونرالار  آزربایجان’دا بیر اؤزه رک جمهوریت یارادان پیشه وری’نین ۱۴ ایسفند ۱۳۰۹-جی ایلده “قصر” زیندانیندا اولارکن کمونیزم حاققینداکی دوشونجه لری ایلگینج دیر. بو خصوصدا وئردیگی ایستینتاقدا میرجعفر پیشه وری بئله بیر ایفاده لرده بولونور کی:

“سؤال: سیز کمونیست عقیده سینده وارسینیزمی؟

پیشه وری: اوّلجه ده دئمیشم کی، خئیر، داها من بو عقیده ده دَییلم.

سؤال: سببی نه دیر؟

پیشه وری: اوّللر کمونیستلر و اونلارین عقیده سی حاقدا من یئترینجه معلوماتا مالیک دَییلدیم. بو حاقدا ۷-۸ ایل مطالعه ائتدیم و منه ثبوت اولدو کی، بو عقیده نین ایران’دا آیاق توتماسی چوخ تئزدیر. کمونیستلر فهله صینفینه آرخالانیرلار، اونلارین دایاغی بو صینیف دیر. بو صینیف ایسه ایران’دا یوخ درجه سینده دیر. تصوّر ائتمیرم کی، هئچ ۱۰۰ ایل بوندان سونرا دا فهله لر بیر صینیف کیمی اورتایا چیخسین و میللتیمیزن اکثریتینی تشکیل ائده بیلسین.”

قایناق: “میرجعفر پیشه وری، اَکرم رحیملی، باکی، نورلار نشرییاتی، ۲۰۰۹، ص۷۴”