تورک دونیاسی نین اولو - اؤلمز شاعیری؛ "شاهمار اکبرزاده" دن بیر گؤزل شئعر

و ـ                

     ـ طن

سن ایکی هئجالی بیر سؤزسن، وَ ـ طن.

سطیردن سطیره کئچیریلمیسن.

*

سوء قصد ائدیبلر شان ـ شرفینه،

اعدام اولونوبدور بئش حرفینده.

«وَ» کئچیب آرازین او طرفینه،

«َطن» قالیب آرازین بو طرفینده.

*

اورتاندان تیکانلی سطیرلر کئچیر،

پوزانیم اولسادا پوزا بیلمیر‌م.

قرینه‌لر اؤتور، عصیرلر کئچیر،

من سنی بیتیشیک یازابیلمیر‌م.

سن ایکی هئجالی بیر سؤزسن، و ـ طن،

                      سطیردن

                            سطیره کئچیریلمیسن!

کؤچورن: محمد قضایی