پاییز گئدیر قیش گلیر
چیلله گلیر خوش گلیر
بوگون بازارا گئتمه گئدن جیبی بوش گلیر !
***
پاییز گئدیر سونرا بوران، قار گلیر
سوفره لره حالوا، قارپیز، نار گلیر
چیلله گئجه ائل-اوبانی شاد ائدیب
بیزیم یوردا ائیله بیل باهار گلیر
****
چای چایداندا داغ اولسون
ایچ داماغین چاغ اولسون
شادلیق سنه یار اولسون
دوشمنلرین خوار اولسون
اوزون گئجه ن شاد اولسون
غم-غوصه برباد اولسون
****
چیلله گلدی قارینان
قارپیزینان نارینان
قوتلو اولسون بو بایرام
کمانچاینان تارینان
ملت چالیب اویناسین
یولداشیینان یارینان
***
چیلله گئجه گلیب بیزیم ائللره
شاد نغمه لر دوشوب بیزیم دیللره
اوزون گئجه حالوا، قارپیز یئییرم
دوستلاریما موبارکلر دئییرم
***
ساوالان یئلی اسدی
شاختاسی منی کسدی
گؤزلریم سنه قوربان
ساغلیغین منه بسدی
***
چیلله قارا باغلی دیر
آلما، نارا باغلی دیر
کؤنلوموزون شادلیغی
دوستا، یارا باغلی دیر
***
گول اوزونوز نار کیمی قیرمیزی ، گئجه نیز چیلله قارپیزی کیمی شیرین ، گولماغینیز پوسته کیمی داواملی و عمرونوز چیلله گئجه سی کیمی اوزون اولسون .
***
بو گئجه آلمیشام چیلله قارپیزی
سالمیشام چایدانا یاشیل یارپیزی
هر زادیم وار فقط یوخدو سئوگیلیم
آللاهیم سن یئتیر ، من سئون قیزی
***
یئنه گلیب دی چیلله یارا دئدیم کی دینله
قوی بیر اوپوم من سنی ووردی اوزومه سیلله
***
بیر گون اولاجاق ، گون چیخاجاق ، داریخما
گوللر آچاجاق ، یاز گلجک یوردا ، داریخما .
" چیلله گئجه نیز موبارک اولسون"