سئوگی یوکو

بیرنفسلیک باخیش...
بیر الچیم گولوش...
مین لرجه میصرع شئعر...
مین سوز
مین اوره ک دویغو
باغلادین بوقچایا وئردین کونلومه
ایندی بوبوقچا ،عادی بیر بوقچا دئییل
اوندا چوبانلیق یوکو یوخدور
نه پنیروار
نه قند
نه چای
نه چوره ک
مین معنالی سوز وار
بیردردلی اوره ک
ایندی بوبوقچا,ابدی تاپیلمایان بیر تاپماجا اولوب
آه...اوره گیم سویله
گوره سن نه اولاجاق
گوره سن بو اوره ک آتیم بوسئوگی دوه سینی قیتره بیله جک...؟