*دیلیم* اتحاف اولسون بوتون آنا دیللرینی سئویب،قورویان انسانلارا

دیلیم-دیلیم،قانیم دیلیم                   دیلیم-دیلیم،جانیم دیلیم 

دیل آچمیشام سنله دیلیم                سنله گئچیب،آییم-ایلیم

دانیشیب دیر سنله آتام                    لای-لای دئییب سنله آنام

قورقودبابام-حیدربابام                       خان-بئی،پاشا،هم ائل- اوبام

کلیبرده بیرده کیملر؟                        بیرلر- اونلار، یوزلر- مینلر

زنگه زورون قوچاقلاری                      نبی کیمی قاجاقلاری

قوچ کوراوغلو چنلی بئلده                 چنلی بئلده-یئلده سئلده

تئللی خانیم-نیگار خانیم                  باشدان-باشا ویقار خانیم

باغبان کیمی ائل اوغلولار                 سئل اوغلولار –عموغلولار

امیرخیزده ستارخانلار                      خیاواندا سالار خانلار

ائل دایاغی زینب  پاشا                    غیرتینه قیل تاماشا

عاشیق عابباس توفارقانلی             خسته  قاسیم آدلی-سانلی

شاه اسماعیل یادگاری                   جاوانشیرین افتخاری

یازیب سنله فضولولار                      صراف کیمی ائل اوغلولار

ائللریمین بیر به بیری                      ساخلاییب دیلیمی دیری

دانیشییبدیر سنله دیلیم                 بالدان شیرین منه دیلیم

دیلیم-دیلیم،قانیم دیلیم                  دیلیم-دیلیم،قانیم دیلیم

درویش