گوزه ليم ياتيبسان ؟ يات قادان آليم
من آخي داي سنسيز ياتا بيلميرم
ويصالا چاتيبلار بوتون سئونلر
بيلميرم من نييه چاتا بيلميرم
من آخي داي سنسيز ياتا بيلميرم
دئدين گوروشه ريك بو هفته باشي
سن سيز قورومايير گوزومون ياشي
گه ل اوزون قلبيمدن كدري داشي
من سني هئچ كيمه قاتا بيلميرم
من آخي داي سنسيز ياتا بيلميرم
سويله دين ائلچي لر قاپيني كسيب
سوزوندن قلبيمده مين طوفان اسيب
غم منه وارماغا* هر گون تله سيب
درد غمي اوركدن آتا بيلميرم
من آخي داي سنسيز ياتا بيلميرم
شكلين له اوپوشوب ياتارديم هرگون
گون كيمي آخشاملار باتارديم هرگون
خياليمدا سنه چاتارديم هرگون
ايندي خيالدادا چاتا بيلميرم
من آخي داي سنسيز ياتا بيلميرم
ائليمين نازي سان دئميشديم سنه
كونلومون يازي سان دئميشديم سنه
اوره ييم سازي سان دئميشديم سنه
تايمازام من سني ساتا بيلميرم
من آخي داي سنسيز ياتا بيلميرم
شئعر : تايماز مييانالي
* وارماق : گئديب چاتماق
ادبی
داستان کوتاه
شعر
اعضای انجمن(350)
ارتباط با مدیریت انجمن
taimaz )
خانه
مطالب(77)
دوستان (300)
گالری تصاویر (28)
کلیپها (2)
نظرسنجی (0)
سایت و اپلیکیشن آموزش زبان انگلیسی urg.ir
چگونگی درج آگهی در سایت و قسمت تبلیغات
تلگرام 
فیسبوک
تویتر
به علت هزینه های بالا ممکن است سایت از دسترس خارج شود.
لطفا ما را در اینستاگرام دنبال کنید.
كونلومون يازي سان دئميشديم سنه
اوره ييم سازي سان دئميشديم سنه
تايمازام من سني ساتا بيلميرم
یاشا استاد.مین یاشا.چوخ چوخ گوزل
اللرینه ساغلیق
یورولموشدوم آلچاق شعر گؤرمکدن ایندی حالیم ایگی لشدی!
فقط بوردا :
سن سيز قورومايير گوزومون ياشي
قوروماییر همن قورومور دو؟؟
بیرده غم یئرینه قم یازساز نه اولار!
اورگیم = اوره ییم
Hər axşam tarladan qayıdanda biz,
Yoxsa o “sevirəm” söylədiyin söz,
Düşerek mərcan tək bulagda qaldı
Ay gözəl, bulagda qaldı
آنجاق من هميشه دئديگيمي يئنه ده دئييرم؛ بيزيم توركجه ادبيياتيميزدا آيريليقدان، درددن، غمدن، يار وفاسيزليغيندان، آغلاماقدان، قارا باغلاماقدان و باشقا بونلارا بنزر قونولاردان آشيري اولاراق حدديندن آرتيق يازيليب و ائشيديليب.
بو مساله ادبيياتيميزن گليشلنمه سينين قارشيسيندا داياناراق تكجه يازارلاريميزين (اؤزلليكله گنج يازارلارين) دييل، اوخوجولاريميزين دا فيكيرلريني تورك ادبيياتي ائله بودور دئيه محدودلاشديرير.
منجه شئعريميزده آپارديغيميز سؤزلري بيراز گونجللشديرمه لي ييك. من اوستده دئديگيم قونولاري اينديليكده لمس ائله مه ديگيميزين ايدديعاسيني ائله ميرم آنجاق ائله همن قونولارادا يئني بير آچيدان باخماغيميزين گركليگيني دوشونورم.
هر حالدا بو شئعرينيزين گوجلو اولدوغونودا دانماييب اؤزل گؤزلليكلريندن ده واز گئچميرم.
منجه بو بؤلوم شئعرين لاپ گؤزل بندي دير:
"شكلين له اوپوشوب ياتارديم هرگون
گون كيمي آخشاملار باتارديم هرگون
خياليمدا سنه چاتارديم هرگون
ايندي خيالدادا چاتا بيلميرم
من آخي داي سنسيز ياتا بيلميرم"
اللرينه ساغليق دئييرم، وئرديگيم اؤنري لر اوچون ده مندن اينجيمه يه جه ييني اومورام. ساده جه اؤز فيكريمي پايلاشماق ايسته ميشم. چونكو سيزين قلمينيزه اينانيرام.
ساغ قالين
یوللار یورغونو...: اللرينه ساغليق دئييرم، وئرديگيم اؤنري لر اوچون ده مندن اينجيمه يه جه ييني اومورام. ساده جه اؤز فيكريمي پايلاشماق ايسته ميشم. چونكو سيزين قلمينيزه اينانيرام
هامينيزدان كي مني اوز آلقيشلارينيزلا دستك اولورسيز تشككور ائديرم
يالنيز سيزه دئمه لي ييم كي من سيزين سوزونوزو قبول ائديرم آمما اوجور كي بيليرسيز شاعيره دئمك اولماز نه باره ده يازا ، شاعيرين حيسسي و دويغوسو بير يئرده قالان دئييل و ساهات به ساهات دئييشيلندير
من بو شئعري ائله او گون كي سايتدا قويموشدوم يازميشام و دئمه ليييم كي او ساهاتدا كي يازيرديم دويغوم بو باره ده ايدي
منيم باشقا شئعرلريمه باخساز گوره رسيز كي هر قونودان اوردا واردير و من هئچ زامان اوزومو باغلامارام بونا كي تكجه بير موضوعا باره يازام حيسسيم هارداسا گلسه يازاجاغام اولوبدو كي بيردن آلتي آي يازماميشام اولوبدا كي بير گئجه ده اوچ شئعر يازميشام
يئنه ده ساغ اولون
تایماز مییانالی: آمما اوجور كي بيليرسيز شاعيره دئمك اولماز نه باره ده يازا ، شاعيرين حيسسي و دويغوسو بير يئرده قالان دئييل و ساهات به ساهات دئييشيلندير
آنجاق بونو دا اونوتماق اولماز كي شاعير اولدوغو دورومودا بوتون جنبه لردن نظرده آلمالي دير. اؤرنه يين، ايقتيصادي باخيميندان چوخ آغير بير دورومدا اولان كيمسه نين اؤنونده دوروب اونا يارين اينجه بئليندن سؤيله مك گولونج اولاراق شاعيرليك وظيفه سينين تام ترسينه دير. شاعير دويغوسال بيريسي اولمالي دير آنجاق بو يئترلي دييل. شاعيرين گوجو، اونون دويغوسالليغي ايلا ياناشي نه قدر عؤهده ليگي اولدوغونا باغلي دير. دئمك دويغولاريندان نئجه يارارلانماسي.
سيزين شئعيرلرينيزي اوخودوقدا سيزده بو عؤهده ليگين ايزلريني آيدينجاسينا گؤرمك اولور.
چوخ ساغولون، يئني شعيرلرينيزي گؤزله ييريك.
سيزه اوغورلار
ائلی میانالی: سن سيز قورومايير گوزومون ياشي قوروماییر همن قورومور دو؟؟ بیرده غم یئرینه قم یازساز نه اولار!
_ سيزين سوزونوزو (غم ) يا (قم ) يازما باره سينده قبول ائديرم . دوزدور تورك ديلي اوجور يازيلار كي تلفظ اولور آما بوردا بير موشگول وار اودا بودور كي بيز عرب اليفباسيلا يازيب اوخويوروق و عرب اليفباسيندا بو قودرت يوخدور كي تورك ديلي نين تلفظ لرين يئرينه يئتيره اونا گوره (غم ) يازميشام كي چوخ توركجه ني ياخشي بيلمه ينلرده معناسيني دوز باشا دوشه لر
تایماز مییانالی: اونا گوره (غم ) يازميشام كي چوخ توركجه ني ياخشي بيلمه ينلرده معناسيني دوز باشا دوشه لر
یاشا