...دادی وار( باراز ماراغالی دان بیر گؤزل شئعر)

قابار- قابار آیاقیمدا گولوم تیکان دادی وار

و باشماقیم دولوسو لاختا لاختا قان دادی وار

سحر عطیرلی بنؤشه کؤچوب قارانقوشلا

بو کئفلی ایری بوروخ یول لارین ایلان دادی وار

مگر آلاخلامامیشدیق بو هرزه اوتلاری بیز

نه اولدو کندیمیزین بوغداسیندا خان دادی وار

آماندی قویما کی سؤنسون چیراغ ،گئجه بوروسون

قولاغلاریمدا اوشاغلیقدا کی خوخان دادی وار

شوکور کی چایدانیمیز قاینایر شعیر یازیریق

شوکور کی گؤزلریوین ایندی مهربان دادی وار

شه هر نه جور قازاماتدیر کوچه نه جور قالسین

تیکانلی باغدا چیچک بیتمه گین یامان دادی وار

 ----------------------------------------------------------

شئعر : باراز ماراغالی

------------------------------------------------------------------------------

قازامات : زندان