ای نور عینیم منزیل موبارک/بی کس حسینیم منزیل موبارک

چوخ اشک چشمون بنزتمه سئیله

یاندوم ،منی گل یاندورما بئیله

دور بیر آناوا خوش گلدئن ائیله

ای نور عینیم منزیل موبارک

دیندیر منی من زهرا آنانانم

بو دینمه مکدن چوخ بدگومانام

سن خانه صاحاب،من میهمانام

ای نور عینیم منزیل موبارک

لازیمدی یاتسون بولبول گول اوسته

تا سایه سالسون گول بولبول اوسته

دور سینه مه گل،یاتما کول اوسته

ای نور عینیم منزیل موبارک

کسمیشدیم ایندی قان ایچره یانون

خشک ائیله ییردیم زولفومله قانون

ناگه یئتیشدی اؤز ساروبانون

ای نور عینیم منزیل موبارک

وجهی نئدیر بس اهلون آتیبسان؟

چون اشک زینب ،قانه باتوبسان

اکبر نولوبدور ،یالقئز یاتیبسان

ای نور عینیم منزیل موبارک

گؤردوم وئروب جان ،یئتمیش ایکی جان

بیرآغلیان یوخ،اولدوم پریشان

گلدیم توتام من شام قریبان

ای نور عینیم منزیل موبارک

گلدون ووجوده صراف عدمدن

گئتمه کناره گل بزم قمدن

قوی نوحه اولسون جاری قلمدن

ای نور عینیم منزیل موبارک

صراف تبریزی