ندن تورکجه میزی بیر بئله قورو ساخلامیشیق؟(دانیشیق)

سلاملار  

نئچه گون بوندان اؤنجه دن بیر قونو منیم بئینیمی بتردن مشغول ائلیییب، ایسته دیم  قاباقکیلار کیمی بیر دانیشیق قویام پیجیمه

سیزینده باخیشلاریزی گؤزلویورم،هرکیمسه باخیشین یازا بیلر آمما  ادب چرچووه سینده و گرک بو قونویا ایلگیسی اولا و هرجوره انتقاد ،اؤنه ری ده قبول ائلییریک

ندن تورکجه میزی بئله قورو ساخلامیشیق؟یانی نئجه دییم ایندی چوخلاری بئله دوشونورلر کیتورک دیلی

قورو و خشن دیلدی.نیه اوشاقلارینان دانیشاندا یوموشاق دانیشمیریق؟اوشاق گرک اوشاقلیغیندان بو

دیلینن اونس تاپا،گرک اونو بیر شیرین ،دویغولو و یوموشاق دیل تانییا

چوخلو واخلار من بونا شاهید اولموشام کی آنا یا آتالار اوشاقلاری تنبیه ائدنده تورک دیلینده ائدیرلر،یامان

،سؤیودلری،دِیینمکلری و... تورکجه ده اولور،آمما قوربانین اولوملاری،آلقیشلامالاری آیریی دیلده مَیه ر بو

دیلده "قوربانین اولوملار" اولماز؟؟؟

اوندا آیری تورک اؤلکه لرده  بو موشکولو چؤزمک(حل ائله مک) اوچون نه ایش گؤرورلر؟؟؟اونلاردا

سئوگیلرین بیان ائتمک اوچون ال اوزالدیرلار آیری دیللره؟؟؟؟! البت کی یوخ.

سیز نئجه دوشونورسوز؟؟؟نئجه ائلیه بیله ریک دیلیمیزی یوموشاداق؟(البت کی دیلیمیز یوموشاق وچوخ  دویغولودور، بیزلر اونو قورو ائله میشیق) دیلیمیزین بئله قورو قالماغین ندنلری ندیر؟؟؟

(البت بونودا خاطیرلییم کی ادبی و معیار دیلده یازیلان یازیلاردا بو یوموشاقلیق گؤرونور ،آمما دانیشیقدا  ائله یوخ  )

قایناق:اؤزوم و بعضی سایتلاردا اوخودوغوم یازیلار