قاراباسماق(2)

یوخودان آییلیرسیز آمما یئرینیزدن قالخا بیلمیرسیز.گؤزلریز تیتره ین و آغیر  گؤزقاپاقلاریزین(پلک) آلتیندا اویان بویانا گئدیرلر آمما بدنیزین باشقا پارچالارین (اعضا) ترپه ده بیلمیرسیز بیر آغیر شئی ای اؤز سینه زین اوستونده حیس ائدیرسیز ائله بیر بوغازیزیباسیر و نفس چکمه یین یولون باغلاییب،بو آندا کؤلگه یه بنزر و دهشتلی بیر موجودو گؤزوزون قاباغیندا گؤرورسوز.

اوشاق چاغیندا بو اولای اوز وئرنده ،شیطانی موجودلارین الی بو  ایشده اولدوغون دوشونوردوز آنجاق ایندی دئمه لییک کی بو قونونون علمی کؤکو وار و " یوخو ایفلیجی" یادانیشیق دیلی ایله "قارا باسماق" آدلانیر.

میلادی ایلین 2011 ده 35 آراشدیرمانین سونوچو کی 36میندن یوخاری آداییین( داوطلبین)اوستونده اولموشدو،بیر علمی مقاله شکلینده یاییلدی.

بحث ائله دییمیز مقاله نین آراشدیرماجی لاری،بیلدیلر کی جمعیتین 6، 7 فاییزی  یوخو ایفلیجین تجروبه ائدیرلر .

دانیل دنیس اعصاب بیلیک رشته سین دؤکتورلوک کاندیداسی و یوخو ایفلیجی پروژه سین آراشدیرماجی سینین سؤزلرینه گؤره اینسان  بو گؤرونتولری تجروبه ائتدییی زامان تام اویاقدی. اصلینده بئله گؤرونور کی بو واختلار،آغیل(ذهن) اویاقدیر آمما بدن هله ده یوخودا دیر.

بو گؤرونتو چوخلو واختلار نئچه ثانیه یا نئچه دیقه چکه ر،آمما نادیر دوروملاردا مومکوندور بیری تام اؤز حرکتی گوجون اله گتیرمک اوچون10  تا 15 دیقه زامانا احتیاجی اولسون.

او کؤلگه یه بنزر موجودا گؤره کی بعضی لری یوخو ایفلیجی زامانیندا تجروبه ائدیرلر دئمه لی ییک کی آراشدیرماجیلار قانیقلی آچیقلاما بو گؤرونتویه گؤره وئرمه ییبلر.دنیسین سؤزلرینه گؤره "بو کؤلگه یه بنزر" بیر جور بیش فعاللیغین سونوجو آمگیدالدا اولا بیلر  کی  اصلینده بئینین بیر پارچاسی دیر کی قورخو حیسسین یارادیر.

او سؤزلرین بئله داوام وئریر کی بو آنلاردا اینسان بو دورومودا یوخودان آییلیر کی اونون بئینی قیشیقیریر"بیر تهدید وار" .

آنجاق اگه ر یوخودان آییلدیز و آنلادیز کی ترپنه بیلمیرسیز تام انرژیزی بارماقلاریزا یا آیاق باش بارماغیزین ترپنمه سی نه قویون. دنیسین سؤزلرینه گؤره بیر ماهیچه زی ترپتماغینان ایفلیجلیک آرادان گئده ر.

تؤصیه لر

بیر تا ایکی ساعات یوخودان اؤنجه چای،قهوه و دوخانییات ایشلتمه یین،بیر بارداق ایستی بال سوت ایچین،بیرآزجا ایدمان ائدین و دوش توتون. ترپیتوفان ایچه رن بوتون موادلارین اولچوسون او جومله دن:موز ,انجیر ,خورما ,قاتیق و بالیغی چوخالدیب، تیرامین ایچه رن موادلارین اولچوسون ایسه او جومله دن:ادویه, پئندیر, شوکولات, قره بادیمجان, کلم ،سوسیس, اسفناج و بامادوری آزالدین. 

 اؤزوم بو شکیلده  گؤردویوز دورومو  تجروبه ائتمیشم

آنجاق  بیرآزجا فرقلی!

من دییه رم بس قیچلارین قویوب اللریمین اوستونه

و کؤلگه یه بنز موجودو تام گؤرمه رم ، قارالیق گؤره رم!

هرکیم بو دهشتلی گؤرونتونو تجروبه ائدیب،ایسته سه اؤز گؤردوکلریندن  یازسین.

سون.

 قایناقلار:

http://www.beytoote.com/health/malady-remedy/incubus-sleeping-sickness.html

http://digiato.com/article/2015/02/01/%D8%A8%D8%AE%D8%AA%DA%A9-%DA%86%DB%8C%D8%B3%D8%AA-%D9%88-%DA%86%D8%B1%D8%A7-%D8%B1%D8%AE-%D9%85%DB%8C-%D8%AF%D9%87%D8%AF%D8%9F/.

چئویرن : اؤزوم

 لوطفا اوخومامیش شکلک قویمایین.