یاخشی عزیزیم!

_سلام عزیزیم ایش یئرینده اولدوغون اوچون زنگ یئرینه، مساژ وئریرم گلنده بیرآز یئمیشدن زاتدان آل،گئجه قوناغیمیز وار

_یاخشی عزیزیم

_ایندی یادیما دوشدو، گلنده او گون "پارلا" توکانیندا گؤردویوموز کؤینه گی ده آل گتیرمنه ،همن کی هشتاد یئتدی تومن دئییردی

_یاخشی عزیزیم

_ساغول

_سلام آتا

آنامدان گیزلین گوشیسینی گؤتوروب مساژ وئریرم،  گلنده منه عمیم اوغلونون اویونجاغیندان آل،همده منه دوندورما آل،دوندورمانی قوناقلار گلمه میشدن اؤنجه گتیر اؤزوم یئییم

_یاخشی عزیزیم

_آتا سؤز وئریرسن اویونجاغی آلاجاقسان؟

_یاخشی عزیزیم

گئجه کیشی آچاری قاپییا سالاندا ،هم خانیم ائشیتدی هم اوشاق

ایکیسیده تئز قاپییا ساری گئتدیلر

کیشی الی بوش گیردی ایچه رییه

_سلام

_سلام پس یئمیشلر هانی؟ کؤینک!

_سلام نه یئمیشی؟ ائودن سس گلیر کیم وار؟

_ بیلمیرسن قوناغیمیز وار؟!

_آتا منیم اویونجاغیم هانی؟ دوندورما؟!!!!!!

_نه اویونجاغی؟

_منه سؤر وئردیگین اویونجاق

_نه زامان سؤز وئرمیشدیم؟

_مساژ وئرمیشدیم اوندا سؤز وئردین

_مساژ؟!  گوشـــــــــیم؟! هن ایندی یادیما دوشدو بوگون گوشیمی ووردولار ،باشیم قاریشیق اولدو،سیزه خبر وئره بیلمه دیم!!!

قایناق:اؤزوم

شکلک قویمایین ،ساغولون