عونوانسیز!

گؤزگونون قاباغیندان گئچیرم

بیری وار ایچینده

گؤزلرین زیلله ییب ،باخیر

دورورام دوز قاباغیندا،گؤز گؤزه

گولورم،گولمه ییر

قاباغا چکیلیرم،گلمه ییر

اَییلیرم ،اَییلمه ییر

دوز گؤز تیکیب باخیر گؤزومه

منم گؤره سن؟

باخیشیندان چکینیرم

الین اوزالدیر منه ساری

گئری چکیلیرم

گؤزگودن ائشیگه چیخماق ایسته ییر

.

.

.

.

.

گؤزگو تیکه لَندی

گؤزگوده کی منلرینن نه ائدیم؟!

قایناق:قات قاریشیق،آنیلماز سؤزلر

سؤزلوک

گؤزگو:آینا

آنیلماز:نامفهوم