بیر آیاغیم یاغدا ... !

آنام ائولری همشه اؤزو تک اللی تؤکه ردی ،حیطده بیر آنباریمیز واریدی اورانین وسایللری آغیر اولماقدا اورانی ساخلایاردی بؤیوک لرایله تؤکسون.

من ده همشه آنبارینان،صاندیق خانا تؤکه نده خوشلاردیم گیره م ایچه رییه اسکی وسایللره و شکیل آلبوملارینا باخام

آنام گیلده بیز بالاجا اولماقدا بیزی چوخ ایچه رییه قویمازدیلار ،ال آیاغا دولاشماغیمیزی بهانه توتاردیلار.

سؤز واختینا چکه ر ،بایرام قاباغیدی منیم ده آلتی یئتدی یاشیم آنجاق اولاردی

آنباری تؤکه نده گؤردوم آنام گیلین باشلاری بتر قاریشیب منده یاواشجا گیردیم ایچه رییه ،آنباردا صاندیق واریدی چیخدیم اوتوردوم صاندیغین اوستونده  ائله بیردن گؤردوم قیچیم یارییا جان گیردی بیر شئی این ایچینه.

اَییلدیم باخدیم گؤردوم آیاغیم باشماق ایچینده، گیریب اون یئتدی کیلولوق یاغین ایچینه(ایندی ده بیلمه میشم نجور اولموشدو؟!!!!)

گؤردوم آنام گیلین باشلاری بتر قاریشیب وسایل داشیماغا تئز آنباردان چیخدیم ،قاچدیم حیطده قیچیمی بیر سویا توتدوم گئتدیم ائوه

دئمه لی یم یاغلی آیاغیمین ایزی فرش پتولاری باتیرمیشدی

آنامدا او زامان جاوان وماشاللاه قیوراغیدی، بیردن گؤردوم بیری تووایله دالیمجا نئجه گیردی ائوه

هئچ زاد داااااا ،نه یئییبسن؟تورشلو آش . . .

اسکی:قدیمی

قیوراق:جَلد،سریع

توو:سرعت

تورشلو آش یئمک:بیرینین حسابینا یئتیشمک،ساواشماق ،وورماق (قالیب دا هانسی ایشله نه)