من سنی تبریز سیز سئـــــوه بیلمه رم

آغاجلارین آلتینداکی کؤلگه‌لر

منی دوستلوغا چاغیریرلار
آدیمی بیلمه‌میشدن
یارپاق لار
آی قیز! آی قیز! سسله ییر
اوز چئویریب‌سه اونلارا باخاندا
نه آیاغیم راضی‌دیر
نه باشماغیم
کیفیمده کی خیردا پول‌لار
دالیمجا پیچیلداشیرلار
آغاج لارین باشی یئلله‌نیر
بلکه ده بایقوش‌لارین ائوی اوت توتوب!
یــــــــــــــــــــــــــــــــــــــــــــوخ!
دیکسیندیم تبریزین سویوق هاواسیندان
من ایکی دست اه ینیمه کابوس گئیمیشم
اما بو گونلر
جیب لریم ده ال لریمی سایمیر
بوردا کوچه‌لر گیجیک‌له‌نیب
قیزلار دا منه آجیقلی باخیر
اؤلومجول باخیش لاردا
توپراق‌لار دا بیزدن اوجا دورور.