قدیر آغاجی اکنلر اوی ی ی ی

قدیر آغاجی اکنلر اوی ی ی ی

........ گوندوز یارانان سوچلار

گئجه باغیش دیله‌ییرسینیز

قانلی اللرینیزه دسمال

یالانچی دیللرینیزه ناماز

حاراما باخان گؤزلرینیزه یاش

یاراشمیر

قدیر آغاجی اکنلر اوی ی ی ی

ایلده اوچ گئجه سوواریلان قدیر آغاج قورودو

آنجاق سیز

سیز اؤزونوزو دونیا اؤزه‌یی تانیرسینیز

تانیتدیریرسینز

سیزی تانری ائوینده

منله کوسن تانریا تاپیشیریرام

نه اولار!!‌

قوی سوچ یارادیم منده

قدیر آغاجی اکیم ائویمده

آنجاق سوواریم هر گئجه

--------

اؤزه‌ک = مرکز - کانون