داود خداکرمی - هامی کیتاب آلسین

   بو گونلر هامی آنا دیلی حاققیندا شعر,یازی,شکیل پایلاشیر. قالمیشام من نه یازیم . بو گونه دک بو قونودا ایستر کیتابیمدا ایستر دانیشیق لاریمدا ایستر بیر پارا درگی لرده یاخود درنک لرده "دیل فلسفه سی"هابئله"آنا دیل" قونوسوندا آچیقلامالاریم اولوب دور.

آنجاق بوردا ایستیرم باشقا بیر باجادان بو قونویا باخام . گؤره سن بیز اؤزوموز آنا دیلیمیزی قوروماق اوزرینده هانسی چابالار گؤسترمیشیک.دیلیمیزن دوشمن لرینه یامان-یوووز دئمک له, داش آتیب شوشه سیندیرماقلا دیل قورونماز.بیلدیر بو زامان بیر سیرا اؤیرنجی لرین ییغینجاغیندا بو سؤزلری دانیشاراق وورغولادیم "بو گون آنا دیلیمیزده یاییملانان کیتاب لارین بعضیسی ایللر بویو کیتابفروشی لرده قالیر توز-تورپاق یئییر. گلین شوعار وئرمکدن اوزاقلاشاراق,آنا دیلیمیزده یاییملانمیش کیتاب لاری آلیب-اوخوماقلا آنا دیلیمیزی قورویاق!"
نه یاخشی اولار "آنا دیلی" گونو آنا دیلیمیزده یاییملانمیش کیتاب لاری آلماقلا یازیچی لاریمیزی,شاعیر لریمیزی,کیتاب ساتان لاریمیزی سئویندیرک!