دیلسیز پایز - دوکتور جئری

دیل‌سیز پایز - دوکتور جئری

آلتمیش سککیز پاییز کئچیر مین اوچ‌ یوز پیشه‌وری‌دن. اوخول سیس ایچینده‌دیر... زنگ چالینیر...

اؤیرتمن کیلاسا گیریر. صینیف باشی الینی ماسایا تاپداییر:

-‌ قالخین!

 اؤیرتمن باش ایله ایشاره ائدیر. یئنه ماسا تاپدانیر:

-‌ اوتورن!

صینیف‌باش اوجا- اوجا اوخویور:

-‌ فارسی‌

-‌ حاضر..

-  دینی

-‌ حاضر..

-‌ ریاضی

-‌ حاضر..

-‌ ‌‌‌‌‌‌‌آنا دیلی

-‌ ...

‌‌‌-‌ آنا دیلی

-‌ ...

اؤیرتمن باشن قالدیریر، گؤزلری چیسکینلی‌دیر‌:

-‌ آنا دیلینی دفتردن پوزون... بو ایل‌ده قویمادیلار مدرسه‌یه گلسین...