یئددی قارداش یئددی ایگید

یئددی قارداش یئددی ایگید
اوتاغیمدا یئددی ساز واریئددی قارداش
گؤزل سیرداش
خوش آواز وار
هره سینده بیرجور ناز وار
هر بیرینین بیر آدی وار
بیر دادی وار

بیری قوچاق نبی
بیری کوراوغلو
بیری هجر خانیم
بیری نسیمی.
نگار تئللریندن چکیلیب دارا
آداشیم بابک ده باخ سن ووقارا
باخین بیر بهروزدا اولان ایلغارا
بولبول تک گول اوسته چکدیلر دارا

"جوردانوبرونو"دوشدو یادیما
نسیمی او بؤیوک مهریبان اینسان
سؤزوندن دؤنمه ین قهرمان اینسان
دیری دیری دریسینی سویدولار
ظالیملر زالی تک قانینی سوردولار

اوتاغیم دا یئددی قارداشلار یاتیب
یئددی سیرداشلار یاتیب
هر بیری بیر گونش تک
اوتاغیما نور ساچیب
صاباح کنسرت وئره جکلر
"بتهوون"دن بئشینجی سمفونوسون
عوزه ییردن کوراوغلوسون
بیر ده سئوگیلی آنا یوردوم
آزربایجان ماهنیسین.