اورمو بایاتیسی

ایمامزادا باغلاری 

یاشیلدی یاپراقلاری 

نذریم قبول اولسون 

یاندیریم چیراخلاری 



گول وارکی آدا دوشر 

مئیوه وار دادا دوشر 

"اورمو"دا دولاناندا 

"قاراباغ" یادا دوشر 





"اورمو"نون دنیزی وار 

دنیزده قان ایزی وار 

قیزلارینین آلنیندا 

"قاراباغ" بنیزی وار 



"اورمو"دان "خویا"گلم 

چاغیرسان تویا گلم. 

"قاراباغ" یئلی اسیر 

بیلمیرم قویا گلم. 



داغلارین لالاسی یام 

"بابک"-ین قالاسی یام 

"اورمو"لو دئمه منه 

قاراباغ بالاسیام.