آنا دیلی

آنا گولدور بیر گون سولار  Ana güldür, bir gün solar
آنا دیلی شیرین اولار                 Ana dili şirin olar

بیزیم تورکو شیرین دیلدیر     Bizim Türkü şirin dildir
خوش صدالی زنگین دیلدیر  Xoş sədalı, zəngin dildir

دیل گونشدیر ایشیق ساچار  Dil günəşdir, ışıq saçar
آزادلیغا قاپی آچار                      Azadlığa qapı açar

 یادین دیلی بویوندوروق            Yadın dili boyunduruq
 بیر گئچیددیر بوروق بوروق     Bir geçiddir buruq buruq

بویوندوروق خالقی بوغار       Boyunduruq xalqı boğar
گئچیدلرده قولدور سویار        Geçidlərdə quldur soyar

قوی یادلاشسین سئناتورلار    Qoy yadlaşsın senatorlar
خالقی سویان تاجیر توججار      Xalqı soyan tacir tüccar

یالتاق شاعیر یولون آزسین       Yaltaq şair yolun azsın
تکجه فارسی غزل یازسین!    Təkcə Farsı qəzəl yazsın

حبیب ساحیر تئهران 1344-1357