پریشان

منی زولف پریشان تک پریشان ائیله دین گئدین... یاخیب کؤنلوم ائوین ویران ویران ائیله دین گئدین
گؤزل بیر یازکیمی گولجک منی نئیسان تک آغلاتدین ... قیزل چای آخدی دیده مدن کؤنول قان ائیله دین گئدین
آخان اولدوز کیمی بیر لحظه گؤرسندین اوزاقلاردا ... یاخان شیمشک کیمی گؤی اوزره سیران ائیله دین گئدین
سیزیلتیم نئی کیمی تودتو بوتون دونیانی هیجرینده ... نفس وئردین قورو جیسمه نواخوان ائیله دین گئدین