محمد فضولی : اوسانماز می؟

منی جاندان اوساندیردی ، جفادان یار اوسانمازمی

فلک لر یاندی آهیمدان ، مورادیم شمعی یانمازمی ؟

هامی بیمارینا جانان دوای درد ائدر احسان ،

نئچون قیلماز منه درمان ؟ منی بیمار سانمازمی ؟

غمیم پنهان دوتاردیم من ، دئدیلر یاره قیل روشن ،

دئسه م اول بی وفا بیلمن اینانارمی ، اینانمازمی ؟

شب هیجران یانار جانیم ، تؤکر قان چشم گریانیم ،

اویادیر خلقی افغانیم ، قارا بختیم اویانمازمی ؟

گول رخسارینه قارشو ، گؤزومدن قانلی آخار سو

حبیبیم فصل گول دور بو ، آخار سولار بولانمازمی ؟

دگیلدیم من سنا مایل ، سن ائتدین عاغلیمی زایل

منه طعن ائیله من غافیل ، سنی گؤرجک اوتانمازمی ؟

فضولی رند شئیدادیر ، همیشه خلقه روسوادیر ،

سورون کیم بو نه سئودادیر ، بو سئودادان اوسانمازمی ؟