گلمدین

یول ایتیرمیش دورنالار تک یولدا قالدین گلمه دین
گؤزله ریم یول چکدی سن یوللاردا قالدین گلمه دین
 

آی پریشان قانلی کؤنلوم ،سن ده تک قویدون منی
یا ایلیشدین ساچلاریندا داردا قالدین گلمه دین

سن هما تک یاد قوش اولدون ،قونمادین ویرانه مه
سوفرامی دن سیز گؤروب، دیواردا قالدین گلمه دین

طابوتوم چینونده گئتسین سن کی راضی دین بونا
ایندی کی چاتدین موراده هاردا قالدین گلمه دین

زخمه وور کی دینله نیم منده سینیخ سازلار کیمین
اؤزگه اللرده تل اولدون هاردا قالدین گلمه دین