لاغ

ایندی لیک هر یانا گئدیرسین،دولانیرسان عجیب غریب سؤزلر قولاق لاریمیزی قیزدیریر- ایستیرسن اؤز دیلینده یاخچی دانیشاسان،سوروشورلار:سیز شوروی دن گلیبسیز؟گل ایندی یومورتانی دویون له کی آی بابا 20 ایلدن آرتیقدیر شوروی تاریخ زیبیل قابیسینا قووشوب و.....

یا ایسته ییرسن آنا-آتا کلمه لری ایشله ده سن بیرتحصیل کرده دویمه لی کؤینک گئمیشه راست گلیرسن و سنه دئییر:سن پانتورکیسم سن و.....

یا تیراختور مسابقه سینده ن چیخیرکن هیجاندان باغیریرسان:یاشاسین تیراختور-یاشاسین آذربایجان بعضیلری سنین قولوندان توتوب دئییر:امنیت ملی نی مختل ائله دین.گل بی یول بیراز گیجل،بیراز قیزار بیراز تومانینی باتیر و...

منیم بویوک آنام اینقیلاب زامانیندا بیر آز غلیظ دانیشاردی یعنی هله هله فارسلاشمامیشدی،سوسوزاندا دئیردی:آی اوغول بیر بارداق سو گتیر....وای منیم آنام پس اوزاماندان پانتورکیسم اولموشدو بیزیم ده خبریمیز یوخ!!

یا اوستاد شهریارین آناسی اونون شعرلرینده ن باش تاپمایاندا اوغلونا دئییر:شعر دئیسن من کی قانمیرام!بو حسابلا اوستاد شهریارین دا آناسی پانتورکیسم ساییلیر و چون اوغلونو یولدان چیخاردیب حیدربابایا سلام شعرینی دئسین امنیت ملی ده حتما مختل اولدو یعنی دا امنیت قالمادی!

و اولارداکی اؤز شهرلریندن و کندلریندن آیریلمیرلار و آذربایجانین یئرلرینی اولویت ده گؤرورلر «تجزیه طلب»حساب اوولورلار!

آممابوراسیندا قالمیشام اولاری کی غلیظ فارسی دانیشیرلار،فارسی شعرلرینی اول ده گؤرورلرشیرازا اصفهانا یئتیشیرلر«خلیج همیشه فارسی»تعصبی چکیرلر ندن اونلارا پان فارسیسم دئمیرلر.....!؟

هله بیر آزدا اونلاراهنرمند دئییب بویونلارینا گیرده گول سالیرلار!

منیم بو قیسسا فیکریمی بو سؤاللار بتر قاریشدیریب،ایران مگر هامینین ده ییر...؟ندن بئله اولوب؟

چوخ دانیشماساق یاخشی اولار اوندا بیزده پانتورکیسم،تجزیه طلب،تبانی برعلیه امنیت ملی بیلمیرم....بوجور سؤزلردن،اولاریق.....آی تانریم!

                                                                                                  جیزیب قره لی ین

                                                                                                       تبریزلی قارقا