گوزلرینین قاره سینه !

سوگیلیم زولفون توکوبدور گینه اول شانه سینه

قوربانام زولفونه هم زولفو گزه ن شامه سینه

سحر آخشام گزه رم دلبریمین کویینی من

چونکی یوخ منده لیاقت گئده م اول خانه سینه

دالیسیجان دوشه رم فیکر و خیال ایلیه رم

دوشه جکدیر پس هاچان سایه م اونون سایه سینه

دوزدی غمزه اوخونون یاره سی کار ائتدی منه

لاکین آرزوم بو دی کی مرهم اولوم یاره سینه

حوری جنت ده گرک دیر گورورم حوری نی من

تا کی گوزلر ساتاشیر گوزلری نین قاره سینه

من گونش اولسام اگر سنده گرک مهپاره

چونکی یئتمز اول گونش سئودیگی مهپاره سینه

امید الهامی علمداری

امید الهامی علمداری