گوزلیم ...

نیله ییم تا اولاسان بیر دفعه خندان گوزلیم؟
بیر جانیم وار ائده رم جان سنه قوربان گوزلیم

نه قدر نازلی گوزللر چیخا قارشیم دا دورا
ئوزگه نی سایمییرام، من سنه حیران گوزلیم

اوره گی داشدان اولان لاردا منه رحم ائله ییر
قویموسان عاشیقینی بس نئجه نالان گوزلیم؟!

کوسوب هی هی باریشاق چونکی وصال ایستییریک
چالیشیب من تاپاجام وصلینه امکان گوزلیم

سن منی سالما نظر دن منی بیمار ائله مه
چونکی وصلین دی فقط دردیمه درمان گوزایم

من سنین عاشیقینم گر سئوه سن سنده منی
اوندا بیز نیله ییرییک حوری و قیلمان گوزلیم؟!

اوتوروب من دورارام تانری یا شوکر ائیلیه رم
چونکی بخش ائتدی منه سن کیمی جانان گوزلیم