من قارا گؤن،تک قالالی قارانلیقلاردا آزمیشام

اونود منی

زامان داها اونود منی

دومان بسدی دورود منی

من اؤز دیلیم دانیشمامیش،بیر ائوزگه دیلده یازمیشام!

فضولینین ،شهریارین ایشیق یولون ایتیرمیشم!

من قارا گؤن،تک قالالی قارانلیقلاردا آزمیشام

کیم اؤلدوغونو بیلمه میش

دویغولاریملا دولموشام

بیر تازا چیخمیش چیچک تک

چیخدیغیم یئرده سولموشام

یا بیر معصوم خیردا قیز تک

آغلامادا اؤز ساچیمی هر نه دن اول یولموشام!

ییلدیزلاری سوندورنلر

چمله توتوبلا یئر گویو

گؤز آغ قارانی سئچن یئرده

باغلانیر ، هئچ نیه گؤرمور

آغ قارانی  سئچمک اوچون

گؤزلریمده قویولموشام

سسلر چیخان یئرده باتیر!

بو خالق هاواختا جان یاتیر!

دوست بیزی اؤزگیه ساتیر!

بیر بئله دوست دان دویموشام.