فقط دئملیه م کی : آغدام منیم مشهدیمدیر ،

دوشونجلی ، غیرتلی و سایین  دیل داشلاریم یوزلرجه سلام.

نه قدر سئوینیریک کی یینه ده بیر تازا ایمکان یارانیب اوز آنا دیلیمیزده اورک سوزلریمیزی پایلاشاق. سیزده اینانیرسیز آنا دیلینده یازماق اوچون قلمی اله آلاندا ، اورک اورک ده قلم  له دویونور ، چیرپینیر ، قول قاناد آچیر و اورک سؤزلرینی کاغاذ اوستو نه جالاییر.

 آمما بو دفعا قلمی اله آلاندا قلم یازماقا ماراق گوسترمیردی. سانکی یازماقدان یورولموشدور.

بیر نئچه دقیقه قلمی لن صحبت لشدیم: قلم نه دیر؟!نییه یازمیرسان؟ سندن باشقا بیر کسر و اومودوموز یوخدور ، نیه بو اومودو ایستیرسن بیزدن آلاسان؟

قلم دیله گلدی: هاچاناجاق یازاجییام،جیزمالییاجیام،یازیم کی نه السون،به نه زامان بو یازیلار عمله دونه جک ، برین نه زامان  گورملی ییک؟

قویمادیم قلمه ایدامه وئرسین ، دئدیم: قلم به سن نیه ؟یازاجاییق او زاماناجاق کی حق سئویلن حاققیمیزا ا ل تاپاق.

باشلادیم اورک سوزلریمی کاغاذ اوستونه جالاماقا.بیلیمیردیم هاردان باشلایام،.

آنا دیلیمدن ، آنا یوردومون قارا گونوندن، قاراباغدان.... بیر ایسلامی مملکتده یاشاییریق ، بیر مملکده کی علی دن آد آپارماق و علینین عدالتینی هارای چکمک بیزه و مسئول لاریمیزین سوز باشیدیر. علینین عدالتی ؟! علی کی عدالتینین کسری حق سیز قدرت و ثروت صاحبلرین اریکه سین سیندیرمیش و حق قدرتسیز خالق ، ائوینین سینان تیرکین دیرچه لدیردی.

اگر علی بیزیم بو گونکو جامیعه ده  اولسایدی قومیت لری و آذربایجانین بو گونون بو وضعییتلرین گؤر سیدی نیله یدی ؟! آیا علی ده منیم آنا دیلیمین کوکون قازماقا بو قدر ماراقلییدیر؟!

علی یده فلسطین و قاراباغین فرقی اولارمیش؟ به نجور ایسلامی مملکت ، به نجور اجتماعی عدالت ؟ به نجور علی شیعه سی؟ بئله گئدیش دوز مسلمان گئدیش دگیل بوسوز آتا بابالاریمیزدان دینده ، مذهبده، جامعه ده خالقا باش اولان کیمسه لردن بیزه  یادگار قالیب : ایسلامین کوکون ائشیب و بالتا ووران ، قپ مسلماندیر.

دوز مسلمان نئجه دوزر آلله هین ائوی  آغدام دا ائرمنی دونوزلارینا مامن اولسون.

علی شیعه سینین قاراباغدا گونو  گئجه دن قارادیر هاچاناق سیاست بیزلری اینسالیغیمیزدان اوزاق  ساخلامالیدیر؟! قره باغ بیر گون بو مماکتین بیر حیصه سییدسر، به نه اولوب کی بو قدر گوزوموزدن دوشوبدور؟!

قره باغلی منیم دیل داشیمدیر ، هاچاناجاق خوجالینین سوی قیریمینین قاباغیندا سکوت؟!

قره باغین آدی گلنده بونیادان دویورام، اورک سیخیلیر ، آمما...فقط دئملیه م کی : آغدام منیم مشهدیمدیر ، مدینه م دیر دلی داغ ، قوبادلی دیر مکه م منیم، کربلامدیر قاراباغ ، نئجه گئدیم زیارته...؟؟؟

سؤز سونا یئتیردی ،آمما قلم یازماقدان یورولما علی شیعه سی ظولمی گوروب لال اولماقا قادیر دگیل.

    نت اوچون هازیرلایان آیتام اورمولو