آق بولود

یئنی دن باشلاییب سیزقادان یاغیر

بوز دؤوروندن قالان بیرجه آغ بولود

اوتانقاج گونشین اوزونو اؤرتور

میرسیغین ساللاییر یاغان چاق بولود

ائل داغینداقارا گیین بولودلار

آغلایاندا قونچالاری گولدورر

قیدیقلایار دامجی دامجی یاغاندا

یئرین سئوینمه سین گولده بیلدیرر

بیلمیرم ندن دیر سن آغلیاندا

دن دوشورداغلارین اوزی چاللانیر

آغاپباق مکتوبداشعرین یازیلیر

سویوق سطیرلرده دونوب ساللانیر

تومانچاق دنیزه آرخایین اولما

کهر قاسیرقالار چاپاجاق سنی

پیس میریق گرمیجلر اؤنونده یاتیب

قودوز چاتلاقلاردا قاپاجاق سنی

کؤیرک بیر یاغماغی دوماندان اؤیرن

قونور گول اوزونه یارپاق اینجی میر

گؤرنئجه یاییلیر داغلار دؤشونده

باغری شان شان اولور تورپاق اینجی میر