چیلینگ آغاج اویونلاریندان زولاتما اویونو

اویونا لازیم اولانلار:

1- ایکی نفر اویونچو

2-چیلینگ(آغاجدان یونولان 2 سانتین یوغونلوغوندا و 20 سانتین اوزونلوغوندا)

3-آغاج(آغاجدان یونولان 3 سانتین یوغونلوغوندا و 70 سانتین اوزونلوغوندا)

4-آچیقلیق بیر یئر

5-ابه(اویناماق یئرینین بیر باشیندا قازیلان بیر جولا 10 سانتین درینلیگینده و 20 سانتین گئنیشلیگینده)

اویونون قایدالاری و یاساقلاری:

1-اویونچو آغاجینی آتاندا گرک آیاغی ابه دن سوووشماسین و قاباقداکی آیاغی ابه نین دال طرفینده اولسون

2-آغاجیلان مسافه لری سایاندا آغاج گرک دوز توتولسون و ایری بوروق توتولماسین(کئچی قیچی)

3-اگر اویونچو آغاجینی آتا و چیلیگه دیمه یه یانیر و اوبیری اویونچو اویونو دوام ائده جک

4-آغاجی دیه ندن سونرا اوچ دفه آغاجین چیلیگه توخوندورماسیندا اگر آغاج یئره دیه و چیلیگه دیمه سه اویونچو یانار و اوبیری اویونچو گلر

5- زولاماق زامانی اگراوتوزان ابه یه قدر زولایانماسادا او مسافه نه گرک قاچسین و یئنیدن زولاماغا باشلاسین و اگر ائلیه بیلمه سه گرک ابه نی اؤپسون

6-زولادان اویونچو چیلیگینی ویراندا اگردیمه سه بیر هیلله حسابلانیر و قاباقداکی اویونچو او سایی دا چیلیگی آیاغینین اوستونه قویوب و ابه یه ساری آتا بیلر کی زولاماق مسافه سی یاخینلاشسین و اگر هیلله نین سای یس 3 اولورسا زولادان یانار و اویون قورتارار

اویونون باشلانماسی:

1-اولده اویونو باشلایانی بیلیندیرمه یه اویونچولارین بیری بئش آلتی مئتیر مسافه ده ابه دن دایانار و اوبیری اویونچودان سورار کی بوردان ابه یه قدر نئچه آغاجدیر(حاجی قوجو) واودا بیر مسافه دییندن سونرا(مثلده 5 قوجو) باشلار مسافه نی سایماغا کی اگر دئدیگی مسافه دوز چیخسا اویونو باشلایاجاق و پانج(اول) اولاجاق و اوبیریسی آردی(ایکینجی)یا قیققا(سونونجو) اولاجاق و اویون باشلامامیشدان قرار لاشیب و بیر نومارانی آرالاریندا توتوب و هر کیم تئزلیجه او نومارایا یئتیشسه اویونو قازانیب و اوبیریسینی زولاداجاق

2-اویونو باشلایان بیر الینده چیلیک و بیر الینده آغاج آیاق اوسته ابه نین دالیندا دوروب و قاباقداکی آیاغینی ابه نین دالینا قویوب وبیر الینده کی چیلیگی قاباغا ساری آتاجاق اوقدر کی اوبیری الینده کی آغاجی آتاندا اونا دئیسین و بو مسافه نه قدر چوخ اولورسا اویونچویا یاخجی دیر آمما چوخ اوزاقدا اولورسا آغاجی دیمز و یانار

3-اویونچو اوبیری الینده کی آغاجی آتیب و چیلیگه دیه ندن سونرا ائلییه بیلر چیلیگین بیر طرفیندن ویریب و چیلیک گویه قاوزاناندان سونرا چیلیگین آلتیندان ویریب و ابه دن اوزاقلاندیرا بیلر تا ساییلما مسافه سی آرتیرسین و بو ایشی اوچ دفه گوره بیلر و باشلایار چیلیک اولان یئرده ابه یه قدر آغاجیلان مسافه نی سایار و بو ایش اویونچولار یانیب و یئرلری دئییشیلمه گیلن دوام ائدر تا بیریسی تئزلیجه قرارلاشدیقلاری نومارایا چاتیب و اویونو قازانا

4-اویونو قازانان بیر الینده چیلیک و بیر الینده آغاج اوتوزاندان سورار کی نئچه دنه چیلیک ویریم (چینی چینی) اودا بیر سایی دئیر سونرا اوتان بیر الینده چیلیگی آتار گویه و یئره دوشونجه نئچه دنه چیلیگه توخوندورسا او قدر چیلیگی ابه دن قاباغا ساری ویراجاق تا ابه دن تاوزاقلاشسین و زولاماق مسافه سی آرتیرسین

5- سونونجو یئرده کی چیایک یئره دوشدو اوتوزان چیلیگی الینه آلیب و ابه یه قدر گرک زولاسین